Villarcayon irabazi eta Burgosko Itzuliko lider jarri da Roglic
Primoz Roglic Jumbo Visma taldeko txirrindularia Burgosko Itzuliko lider jarri da ostegun honetan, hirugarren etapa irabazita, Aleksandr Vlasov (Bora) eta Adam Yates (UAE Team Emirates) esprintean gaindituta.
Sargentes de la Lora herritik atera da hirugarren etapa, 183 kilometroko ibilbidea zuena. Jardunaldi menditsua izan da, guztira sei mendate igo behar izan baitituzte txirrindulariek, baina Picon Blanco maila bereziko mendatea nabarmendu da guztien gainetik, helmugarako 35 kilometrora gainditu dutena.
Eguneko ihesaldia 20. kilometroan eratu da, Mota 3. mailako mendatea gainditu ondoren, eta bederatzi txirrindulari bildu ditu: Lawrence Warbasse, Mattia Bais, Matteo Fabbro, Raúl García Pierna, Filippo Conca, Jesús Ezquerra, Lennard Kamna, Jaakko Hanninen eta Xabier Berasategi. Euskaltel-Euskadiko txirrindularia, Mendiko Sari Nagusiko liderra, lehenengo postuan igaro da Picon Blancora iritsi aurreko gainerako mendateetatik (lau igo dituzte horren aurretik, hirugarren mailakoak guztiak).
Ihesaldiak 02:44ko aldea lortu du, baina EF Education taldeak tropeletik tiraka egindako lanak 01:19ra murriztu du aldea, eguneko igoerarik zailenari ekin aurretik.
Picon Blancoko hasierako maldetan, Raul Garcia Piernak aurrera jo du aurreko taldetik; atzetik, tropelak Ezquerra eta Berasategi harrapatu ditu.
Helmugarako 40 kilometro falta zirenean, talde nagusiak bertan behera utzi du ihesaldia, eta Adam Yatesek erasoa jo du, UAE Team Emirates taldeko George Bennett eta Jay Vinerekin batera. Primoz Roglicek (Jumbo Visma) eta Einar Rubiok (Movistar) bakarrik eutsi diete.
Atzetik, Damien Howson (Q36.5) eta Aleksandr Vlasov (Bora) abiatu dira, eta aurrekoekin bat egitea lortu dute geroago. Einer Rubio, aldiz, sufritzen hasi da eta atzean geratu da.
Picon Blanco gainetik 600 metrora, Yatesek erasoa jo du, eta Roglicek eta Howsonek bakarrik jarraitu diote; hiru horiek igaro dute mendatea lehen postuetan. Ondoren, Bennet, Rubio, Vine, Vendrame eta Javier Romo Astanako espainiarra pasatu dira.
Jaitsieran, Vine erori egin da, eta Vlasovek aurreko hirukoa harrapatu du.
Azken mendatean, Yatesek jokoan zeuden eguneko azken 6 puntuak eskuratu ditu, mendiko maillota bereganatzeko. Vlasov izan da bigarren, Roglic hirugarren eta Howson laugarren.
Laurak lasai joan dira azken kilometroan, Villarcayoko kaleetara iritsi arte. Etapa garaipena lauren arteko esprintean jokatu dute: Yates saiatu da, baina Roglic erabateko erraztasunez gailendu zaiei hiru aurkariei, eta garaipena eta lidergoa eskuratu ditu.
3. ETAPAKO SAILKAPENA
1 - ROGLIC Primož (Jumbo) 4:26:00
2 - VLASOV Aleksandr (BORA) d.b.
3 - YATES Adam (UAE) d.b.
4 - HOWSON Damien (Q36.5) d.b.
5 - ROMO Javier (Astana) +1:09
6 - BENNETT George (UAE) d.b.
7 - RUBIO Einer Augusto (Movistar) d.b.
8 - PRODHOMME Nicolas (AG2R) +3:17
9 - CASTRILLO Pablo (Kern Pharma) d.b.
10 - QUINN Sean (EF) d.b.
SAILKAPEN NAGUSIA
1 - ROGLIC Primož (Jumbo) 8:19:26
2 - VLASOV Aleksandr (BORA) +0:34
3 - YATES Adam (UAE) +0:40
4 - HOWSON Damien (Q36.5) +1:03
5 - RUBIO Einer Augusto (Movistar) +1:36
6 - BENNETT George (UAE) +1:51
7 - ROMO Javier (Astana) +2:09
8 - TRATNIK Jan (Jumbo) +4:01
9 - CASTRILLO Pablo (Kern Pharma) +4:14
10 - VERONA Carlos (Movistar) +4:20
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.