Juan Sebastian Molano da Burgosko Itzuliko liderra, 1. etapa esprintean irabazita
Juan Sebastian Molano kolonbiarrak (UAE Team Emirates) irabazi du Burgosko Itzuliko lehenengo etapa, esprintean, eta bera da sailkapen nagusiko lehen liderra. Molanok Ivan Garcia Cortina espainiarra (Movistar) eta Edoardi Affini italiarra (Jumbo Visma) menderatu ditu helmugan.
Etapan, bost kidek osatutako ihesaldia izan da protagonista. Angel Fuentes (Burgos BH), Mattia Bais (Eolo Kometa), Josu Etxebarria (Caja Rural), Xabier Berasategi (Euskaltel) eta Jose Maria Garcia (Electro Hiper Europa) txirrindulariek hiru minutuko aldea lortu dute eta ondo eutsi diote UAE taldeak zuzentzen zuen talde nagusiaren erritmoari.
Fuentes, Berasategi eta Bais ordena horretan pasatu dira Villanueva de Argañoko tarteko esprintetik, baina tropelarekiko aldea jaisten hasi da, mendatea igo duten arte.
Berasategik, Baisek, Etxeberriak eta Fuentesek puntuak lortu dituzte, eta talde nagusia 1:10era pasatu da, erritmoa nabarmen igota. Horrela, Bais bakarrik geratu da lasterketa buruan. Italiarrak 12 kilometro egin ditu, baina tropelak Burgos hiriko sarreran harrapatu du.
Hiriguneko zirkuituan, guztiak bat eginda, taldeak lehia bizian aritu dira euren txirrindulariak esprintari begira ondo kokatu ahal izateko. Lehia horretan, UAE nagusitu da, eta Molanok irabazi du etapa, esprintean. Xabier Berasategi, bere aldetik, mendiko sailkapeneko lider jarri da.
Asteazkenean, taldekako erlojupekoa
Asteazkenean, erlojuaren kontrako saioa egingo dute, taldeka, 13,1 kilometroko ibilbidea izango duen zirkuituan. Aurreikuspenen arabera, faboritoen arteko lehen alde esanguratsuak sor daitezke bertan.
Etapako sailkapena
1 - MOLANO Juan Sebastián (UAE) 3:38:58
2 - GARCÍA CORTINA Iván (Movistar) d. b.
3 - AFFINI Edoardo (Jumbo-Visma) d. b.
4 - KORETZKY Victor (BORA) d. b.
5 - LEITÃO Iúri (Caja Rural) d. b.
6 - VENDRAME Andrea (AG2R) d. b.
7 - BRAMBILLA Gianluca (Q36.5) d. b.
8 - PEÑALVER Manuel (Burgos-BH) d. b.
9 - QUINN Sean (EF Education) d. b.
10 - VLASOV Aleksandr (BORA) d. b.
Sailkapen nagusia
1 - MOLANO Juan Sebastián (UAE) 3:38:58
2 - GARCÍA CORTINA Iván (Movistar) d. b.
3 - AFFINI Edoardo (Jumbo-Visma) +0:08
4 - KORETZKY Victor (BORA) +0:10
5 - LEITÃO Iúri (Caja Rural) d. b.
6 - VENDRAME Andrea (AG2R) d. b.
7 - BRAMBILLA Gianluca (Q36.5) d. b.
8 - PEÑALVER Manuel (Burgos-BH) d. b.
9 - QUINN Sean (EF Education) d. b.
10 - VLASOV Aleksandr (BORA) d. b.
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.