Mattia Cattaneok irabazi du Katowiceko erlojupekoa, eta Matej Mohoricek lider jarraitzen du Poloniako Itzulian
Soudal Quick-Step taldeko Mattia Cattaneo txirrindulari italiarrak irabazi du ostegunean 2023ko Poloniako Itzuliaren seigarren eta azken-aurreko etapa, Katowicen jokatutako erlojupekoa, eta, bitartean, Bahrain-Victorious taldeko Matej Mohoric ziklista esloveniarrak sailkapen nagusiko aurreneko postuan jarraitzen du. Cattaneok UAEko Joao Almeida portugaldarrak baino 13 segundo gutxiago eta INEOSeko Geraint Thomas galestarrak baino 14 segundo gutxiago behar izan ditu ibilbideko 16,6 kilometroak egiteko, eta sailkapen nagusian Mohoricek denbora berean du Almeida; INEOSeko Michal Kwiatkowski poloniarra dabil hirugarren, 14 segundora.
Osteguneko etapan, garaipena eskuratzeko hautagaiei erreparatuta, Geraint Thomasek egin du kontuan izateko moduko lehen denbora, 19:24 hain zuzen ere (kilometro orduko 51,34); galestarra Tobias Foss eta Stefan Bisseger espezialistak baino hobeto ibili da (hurrenez hurren, zazpi eta 15 segundo arinago).
Mattia Cattaneok 19:10 egin du, eta Thomasi aurrea hartu dio. Hurrengo minutuetan, ikusi du gainerako parte-hartzaileen lana, itxaropentsu, ea garaipena lortzerik zuen. Kwiatkowskik, sailkapen nagusiko hirugarrena bera, italiarrak baino 20 segundo gehiago baliatu ditu, Almeidak 12, eta, azkenean, Mohoric 23 segundora helmugaratu da.
Interesa handia da, sailkapen nagusia estu-estu baitago, eta zazpigarren eta azken etapak erabakiko du dena, ostiralean. Lasterketa Zabrzen hasi eta Krakovian amaituko da, eta ibilbideak 166,6 kilometro izango ditu. Hirugarren mailako bi mendate igo beharko dituzte txirrindulariek, eta amaiera, laua, ona da, hasiera batean, esprinterrentzat.
Etapako sailkapena
1 - CATTANEO Mattia (Soudal) 19:10
2 - ALMEIDA Joao (UAE) +0:13
3 - THOMAS Geraint (INEOS) +0:14
4 - FISHER-BLACK Finn (UAE) +0:16
5 - WELLENS Tim (UAE) +0:17
6 - VAN WILDER Ilan (Soudal) +0:18
7 - VAUQUELIN Kevin (Arkea) d. b.
8 - KWIATKOWSKI Michal (INEOS) +0:21
9 - FOSS Tobias (Jumbo) d. b.
10 - MCNULTY Brandon (UAE) +0:24
Sailkapen nagusia
1 - MOHORIC Matej (Bahrain) 22:49:07
2 - ALMEIDA Joao (UAE) d. b.
3 - KWIATKOWSKI Michal (INEOS) +0:14
4 - VAN WILDER Ilan (Soudal) +0:19
5 - CATTANEO Mattia (Soudal) +0:38
6 - MCNULTY Brandon (UAE) +0:39
7 - DUNBAR Eddie (Jayco) +0:52
8 - MAJKA Rafal (UAE) +0:55
9 - BATTISTELLA Samuele (Astana) +0:57
10 - ONLEY Oscar (DSM) +1:04
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.