Skjelmose izan da indartsuena Villars-sur-Ollongo lehian, eta horiz jantzi da Suitzako Itzulian
Trek-Segafredo taldeko Mattias Skjelmose txirrindulari danimarkarrak irabazi du, asteartean, 2023ko Suitzako Itzuliaren hirugarren etapa, Villars-sur-Ollon 1. mailako mendatean, eta, horrez gain, sailkapen nagusiko lehen postuan jarri da. Skjelmose izan da indartsuena lasterketa amaitu den mendate gogorrean; Remco Evenepoel Soudal Quick-Step taldeko ziklista belgikarrak, proba irabazteko faborito nagusiak, erasoa jo du, sei bat kilometro geratzen zirela, baina, azkenean, 21 segundo galdu ditu. Pello Bilbao (Bahrain-Victorious) bikain ibili da, eta Evenepoelekin batera helmugaratu da; gernikarra sailkapen nagusiko bosgarren postuan dabil, eta Jon Izagirre (Cofidis), ordea, zortzigarren tokian dago.
Aurreikuspena zen etapa ikusgarria izan zitekeela, kontuan izanik ibilbidea nolakoa zen, eta bete egin da aurreikuspen hori. Azken mendateak biziki estutu ditu txirrindulariak, eta, gainera, euripean izan da lasterketa; emozioa izan da, azken metroetaraino, eta, hori gutxi balitz bezala, gutxik espero zuten etapak izan duen amaiera.
Batez ere, ikusita zein arraz eta indartsu atera den Remco Evenepoel tropeletik, helmuga oraindik urrun zegoela. Felix Gall AG2R taldeko austriarra eta Skjelmose bera belgikarraren parean jarri dira, eta atzetik, nahiz eta hasiera batean ezin izan dion Evenepoelen erritmoari eutsi, Pello Bilbao ausart ibili da, lasterketa buruarekin bat egin nahirik, etapa garaipenaren lehian sartzeko.
Txirrindulariak borrokarako prest daudenean, astearte honetakoa bezalako igoera bat ikuskizun ederra izan daiteke. Azken txanpan, Stefan Kung liderra eta Wout van Aert dagoeneko atzean zeudela, Gallek egin du aurrera, eta Skjelmose segituan heldu da haren aldamenean; Evenepoelek, aldiz, ezin izan du. Atzetik zihoan taldeak, azken kilometroan, belgikarra harrapatu du. UAEko Juan Ayuso, atzetik aurrera eginez, Evenepoel gainditu du, eta hirugarren postuan helmugaratu da.
Garaipena aurrean zegoen, Skjelmoseren eta Gallen arteko esprintean; danimarkarra argi nagusitu da. Podiuma zuen zain, etapakoa eta sailkapen nagusikoa; izan ere, maillot horiaz jantzita aterako da laugarren etapan, asteazkenean. Jardunaldi hori Montheyn hasiko da, eta Leukebarden amaitu, eta 152,5 kilometroko ibilbidea du. Bigarren zatia, beste behin, gogorra da, eta, hortaz, ikustekoa izango da nolako kontraerasoa egiten duten asteartean denbora galdu dutenek, eta, halaber, zer duten prest lasterketa buruan izan direnek.
3. ETAPAKO SAILKAPENA
1 - SKJELMOSE Mattias (Trek) 03:29:14
2 - GALL Felix (AG2R) +00:03
3 - AYUSO Juan (UAE) +00:12
4 - EVENEPOEL Remco (Soudal) +00:21
5 - UIJTDEBROEKS Cian (BORA) d. b.
6 - BILBAO Pello (Bahrain) d. b.
7 - KELDERMAN Wilco (Jumbo) d. b.
8 - URAN Rigoberto (EF Education) d. b.
9 - SHEFFIELD Magnus (INEOS) +00:37
10 - BARDET Romain (DSM) +00:45
11 - IZAGIRRE Jon (Cofidis) +00:47
SAILKAPEN NAGUSIA
1 - SKJELMOSE Mattias (Trek) 07:36:31
2 - EVENEPOEL Remco (Soudal) +00:17
3 - AYUSO Juan (UAE) +00:24
4 - SHEFFIELD Magnus (INEOS) +00:39
5 - BILBAO Pello (Bahrain) m. t. +00:49
6 - URAN Rigoberto (EF Education) +00:56
7 - KELDERMAN Wilco (Jumbo) +01:04
8 - IZAGIRRE Jon (Cofidis) +01:05
9 - GALL Felix (AG2R) +01:07
10 - BARDET Romain (DSM) +01:15
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.