Ciccone gailendu da Dauphinéko azken etapan eta Vingegaardek irabazi du lasterketa
Giulio Ciccone (Trek) italiarrak irabazi du 2023ko Dauphiné Kriteriumeko zortzigarren eta azken etapa, Le Pont-de-Claix eta La Bastille (152,8 kilometro) artean jokatu dena. Jonas Vingegaard (Jumbo Visma), 75. edizioko irabazlea, bigarren izan da 24 segundora.
Cicconek eta Julian Alaphilippek (Soudal) osatu dute eguneko ihesaldia, baina italiarra gailendu zaio frantziarrari eta garaipena eskuratu du Col de Porten ihes eginda. Jonathan Castroviejok (INEOS) lasterketa buruarekin bat egitea lortu du Col du Cucheron igaro ostean. Gailurrean liderrak markatu du erritmoa eta inor ez da gai izan haren erritmoari eusteko. Vingegaardek zuloa ireki du aurkariekiko. Erritmo bizian igo da, erotu gabe, eta segurtasun hori ondo etorri zaio Cicconeri, denboraldiko hirugarren garaipena erdiesteko.
Bestalde, Jonas Vingegaard danimarkarra izan da Dauphinéko garaile nagusia, behin azken etapa amaituta. Bere lehen Dauphiné Kriteriuma irabazi du, bi etapa garaipen bereganatuta. Gainera, sailkapen nagusian bere aurkari zuzenekiko alde handia lortu du: Yates (UAE) bigarren izan da 2 minutu eta 23 segundora eta O 'Connor (Ag2r) hirugarren 2 minutu eta 56 segundora.
8. ETAPAKO SAILKAPENA
1 - CICCONE Giulio (Trek) 4:06:04
2 - VINGEGAARD Jonas (Jumbo Visma) +0:23
3 - YATES Adam (UAE) +0:33
4 - O'CONNOR Ben (Ag2r) +0:49
5 - MARTIN Guillaume (Cofidis) +0:54
6 - HINDLEY Jai (BORA) +0:57
7 - MAJKA Rafal (UAE) +1:00
8 - HAIG Jack (Bahrain) d. b.
9 - MEINTJES Louis (Intermarche) d. b.
10 - RODRIGUEZ Carlos (INEOS) +1:03
13 - CASTROVIEJO Jonathan (INEOS) +2:00
SAILKAPEN NAGUSIA
1 - VINGEGAARD Jonas (Jumbo) 29:28:39
2 - YATES Adam (UAE) +2:23
3 - O'CONNOR Ben (AG2R) +2:56
4 - HINDLEY Jai (BORA) +3:16
5 - HAIG Jack (Bahrain) +3:47
6 - MARTIN Guillaume (Cofidis) +4:51
7 - MEINTJES Louis (Intermarché) +5:02
8 - TRÆEN Torstein (Uno-X) +5:15
9 - RODRIGUEZ Carlos (INEOS) 5:19
10 - ALAPHILIPPE Julian (Soudal) +5:37
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.