Mikkel Bjerg izan da onena Dauphine Kriteriumaren erlojupekoan, eta sailkapen nagusiko lehen postuan jarri da
UAE Team Emirates taldeko Mikkel Bjerg txirrindulari danimarkarrak irabazi du asteazkenean 2023ko Dauphine Kriteriumaren laugarren etapa, 31,1 kilometroko erlojupekoa. Bjergek ustekabea eman du, eta, 37:28ko denbora bikaina markatuz, azkarrena izan da. Jumbo-Vismako Jonas Vingegaardek amaitu du bigarren postuan, Bjergek baino 12 segundo gehiago baliatuta, eta sailkapen nagusian ere bigarren jarri da, hain zuzen ere Bjergen atzetik; UAEkoak, etapa irabazteaz gain, maillot horia janztea ere erdietsi du. INEOS taldeko Jonathan Castroviejok hamargarren egin du etapan.
Erlojupekoan ikusi ahal izan dugu zein puntutan dauden azken sailkapen nagusirako lehian dabiltzan gizonak. Batzuek baliatu egin dute aukera, eta emaitza positiboa izan dute: Jonas Vingegaard izan da horien artean indartsuena, Adam Yatesek (UAE) Vingegaardek baino 45 segundo gehiago behar izan ditu ibilbidea burutzeko, eta INEOSeko Daniel Felipe Martinezek, BORA taldeko Jai Hindleyk eta Julian Alaphilippek (Soudal) minutu bat gehienez galdu dute helmugan, Jumboko danimarkarrarekiko. Enric Mas (Movistar) eta Mikel Landa (Bahrain), aldiz, ez dira fin ibili; Masek líder berriak baino hiru minutu gehiago baliatu ditu, eta Landak 02:49. Murgiarra, sailkapen nagusian, Vingegaardekiko 02:59ra dago.
Osteguneko etapak 191,1 kilometro ditu, Cormoranche-sur-Saonen hasiko da, eta Salins-les-Bainsen amaitu. Helmugarako 15 kilometro geratzen direla, txirrindulariek 2. mailako mendate bat igo beharko dute, eta pentsatzeko modukoa da horrek emozioa eta lasterketako gizon indartsuenen arteko mugimenduak ekarri ahal dituela.
4. ETAPAREN SAILKAPENA
1 - BJERG Mikkel (UAE) 37:28
2 - VINGEGAARD Jonas (Jumbo) +00:12
3 - CAVAGNA Rémi (Soudal) +00:27
4 - WRIGHT Fred (Bahrain) +00:34
5 - O´CONNOR Ben (AG2R) +00:41
6 - GROBSCHARTNER Felix (UAE) +00:44
7 - HERREGODTS Rune (Intermarche) +00:54
8 - YATES Adam (UAE) +00:57
9 - OLIVEIRA Nelson (Movistar) +01:02
10 - CASTROVIEJO Jonathan (INEOS) +01:05
SAILKAPEN NAGUSIA
1 - BJERG Mikkel (UAE) 12:59:19
2 - VINGEGAARD Jonas (Jumbo) +00:12
3 - WRIGHT Fred (Bahrain) +00:34
4 - O´CONNOR Ben (AG2R) +00:41
5 - GROBSCHARTNER Felix (UAE) +00:44
6 - HERREGODTS Rune (Intermarche) +00:50
7 - YATES Adam (UAE) +00:57
8 - ALAPHILIPPE Julian (Soudal) +01:00
9 - MARTÍNEZ Daniel Felipe (INEOS) +01:07
10 - HINDLEY Jai (BORA) +01:08
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.