Christophe Laportek irabazi du Dauphine Kriteriumaren lehen etapa, eta lasterketako lehen liderra da
Christophe Laporte Jumbo-Visma taldeko txirrindulari frantziarrak irabazi du, igandean, 2023ko Dauphine Kriteriumaren lehenengo etapa, Chambon-sur-Lacen, eta, horrenbestez, lasterketako lehen liderra da. Laportek ia helmugan bertan menderatu du Intermarche taldeko Rune Herregodts belgikarra. Azken hori eguneko ihesaldian izan da, eta amaierara arte borrokatu da garaipena lortzeko. Matteo Trentin italiarra (UAE) izan da bigarren, eta Herregodts hirugarren postuan sartu da. Mikel Landak (Bahrain-Victorious) 22 segundo galdu ditu, azkenean, Jonas Vingegaardekiko; Jumbo-Vismako danimarkarra da proba eskuratzeko faborito nagusia.
Eguraldi oso desatsegina izan da lehen jardunaldi honetan, eta horrek lasterketa markatu du. Testuinguru horretan, bost gizon ibili dira eguneko ihesaldian: Dorian Godon (AG2R), Rune Herregodts (Intermarche), Brent Van Moer (Lotto), Fabio Van den Bossche (Alpecin-Deceuninck) eta Donovan Grondin (Arkea). 50 kilometro falta zirenean, bi minutu eta erdiko abantaila zuen talde horrek tropelarekiko. Ibilbidean, hainbat igoera eta jaitsiera zeuden, eta, horrela, ez zen erraza aldea murriztea. Lasterketaren buruan zihoan taldeak txirrindulariak galdu ditu, pixkanaka, eta, azkenean, Van Moer eta Herregodts geratu dira aurrean. Helmugara iristeko 10 kilometroren faltan, segundo batzuetako abantaila besterik ez zuten.
Intermarche taldeko belgikar gazteak ez du amore eman, eta aurrera agin du, ausart. Tropelak etapa amaitzeko metro batzuk soilik falta zirenean harrapatu du, eta bakarrik bi gizonek zeharkatu dute helmuga berak baino lehen: Laportek, garaileak, eta Trentinek.
Laporteren garaipenaz gain, etapak Mikel Landak galdutako 22 segundoak ere utzi ditu; murgiarrak, nolanahi ere, zazpi egun ditu aurretik denboraldian zehar emandako maila bikaina berresteko.
LEHEN ETAPAKO SAILKAPENA
1 - LAPORTE Christophe (Jumbo) 03:43:30
2 - TRENTIN Matteo (UAE) d. b.
3 - HERREGODTS Rune (Intermarche) d. b.
4 - ZINGLE Axel (Cofidis) d. b.
5 - VAN GILS Maxim (Lotto) d. b.
6 - VAN POPPEL Danny (BORA) d. b.
7 - BAGIOLI Andrea (Soudal) d. b.
8 - WRIGHT Fred (Bahrain) d. b.
9 - STANNARD Robert (Alpecin) d. b.
10 - BRENNER Marco (DSM) d. b.
SAILKAPEN NAGUSIA
1 - LAPORTE Christophe (Jumbo) 03:43:20
2 - TRENTIN Matteo (UAE) +00:04
3 - HERREGODTS Rune (Intermarche) +00:06
4 - ZINGLE Axel (Cofidis) +00:10
5 - VAN GILS Maxim (Lotto) d. b.
6 - VAN POPPEL Danny (BORA) d. b.
7 - BAGIOLI Andrea (Soudal) d. b.
8 - WRIGHT Fred (Bahrain) d. b.
9 - STANNARD Robert (Alpecin) d. b.
10 - BRENNER Marco (DSM) d. b.
Zure interesekoa izan daiteke
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.