2023ko Dauphine Kriteriuma: etapetako profilak, ibilbidea eta parte-hartzaileak
2023ko Dauphine Kriteriuma ekainaren 4an hasiko da, igandean, eta astebete igarota amaitu, hilaren 11n, zortzi etapa jokatuta. Hiru lasterketa handiak kenduta (hau da, Italiako Giroa, Frantziako Tourra eta Espainiako Vuelta), Dauphine Kriteriuma urteko nazioarteko egutegiko garrantzitsuenetakoa da, eta, jakina, UCI WorldTour maila du. Proba 75. aldiz egingo dute aurten, eta Jonas Vingegaard da hautagai nagusia sailkapen nagusian garaipena eskuratzeko, baina Mikel Landa (Bahrain-Victorius), Richard Carapaz (EF Education), David Gaudu (Groupama-FDJ), Jay Hindley (Bora-Hansgrohe), Adam Yates (UAE) eta Enric Mas (Movistar) ere badaude irabazteko hautagaien zerrendan. EITBk zuzenean emango du 2023ko Dauphine Kriteriuma, eitb.eus-en eta ETB1en.
Vingegaard ia ezin hobeto dabil 2023ko denboraldian. Euskal Herriko Itzulia eta O Gran Camiño irabazi ditu, eta Paris-Nizan hirugarren egin zuen (UAEko Tadej Pogacar gailendu zen). Lasterketako antolatzaileek ere nabarmendu dute gainerako parte-hartzaileek baino aukera handiagoa duela garaipena lortzeko; Jumbok, gainera, talde sendoa eramango du, eta, besteak beste, Vingegaardek Christophe Laporte eta Dylan van Baarle izango ditu aldamenean. Hilabete baino gutxiago geratzen da Frantziako Tourra hasteko, han Vingegaardek 2022an erdietsitako garaipena berretsi nahi du, eta, bide horretan, Dauphine Kriteriumean ere nagusitu nahi du.
Bahrain taldean, Mikel Landaren erronka izango da Itzulian lortutakoari jarraipena ematea; alegia, Vingegaarden ia parean izatea. Murgiarra Lieja-Bastogne-Liejan lehiatu zen, eta ordutik ez du lasterketa batean ere parte hartu, baina emaitza oso onak ari da erdiesten denboraldi honetan: bigarren egin zuen Andaluziako Itzulian, hirugarren Fleche Wallonnen, bosgarren Kataluniako Itzulian, eta zazpigarren Tirreno-Adriatikoan eta Valentziako Itzulian. Horrez gain, noski, nabarmendu behar da Euskal Herriko Itzulian izandako bigarren postu bikaina; Jonas Vingegaardek izan zuen aurkari nagusia izan zen arabarra.
Daniel Felipe Martínez eta Egan Bernal (Ineos), Julian Alaphilippe (Soudal Quick-Step), Esteban Chaves (EF Education-EasyPost) eta Giulio Ciccone (Trek-Segafredo) ere jarri ahal ditugu lasterketa ona egin eta sailkapen nagusian sorpresa emateko aukera dutenen artean. Ineosen, gainera, Omar Fraile eta Jonathan Castroviejo ere izango dira; Trek-Segafredok Jon Aberasturi du.
2023KO DAUPHINE KRITERIUMA: ETAPAK
1. etapa: Chambon-sur-Lac-Chambon-sur-Lac (157 kilometro), ekainak 4, igandea
2. etapa: Brassac-les-Mines-La Chaise-Dieu (167 kilometro), ekainak 5, astelehena
3. etapa: Monistrol-sur-Loire-Le Coteau (191 kilometro), ekainak 6, asteartea
4. etapa: Cours-Belmont-de-la-Loire (31,1 kilometro, banakako erlojupekoa), ekainak 7, asteazkena
5. etapa: Cormoranche-sur-Saone-Salins-les-Bains (191 kilometro), ekainak 8, osteguna
6. etapa: Nantua-Crest-Voland (168 kilometro), ekainak 9, ostirala
7. etapa: Porte-de-Savoie-Col de la Croix De Fer-Saint Sorlin (147 kilometro), ekainak 10, larunbata
8. etapa: Le Pont-de-Claix-La Bastille (152 kilometro), ekainak 11, igandea
Zure interesekoa izan daiteke
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.
Pogacar, txirrindularitzako munduko txapeldun bigarrenez jarraian
Esloveniarrak 6 ordu, 21 minutu eta 20 segundoko denborarekin amaitu du lasterketa, batez beste 42,089 km/h-ko abiaduran, eta 1 minutu eta 28 segundora helmugaratu da Remco Evenepoel.
Magdeleine Vallieres kanadarrak irabazi du urrezko domina munduko txapelketan, ezustekoa emanda
Kanadako txirrindularia iheskideei aurrea hartuta helmugaratu da. Niamh Fisher-Black zeelandaberritarra eta Mavi Garcia espainiarra izan dira bigarrena eta hirugarrena, hurrenez hurren.
Paula Ostiz, munduko txapelduna junior mailan
Iruñeko txirrindularia nagusitasunez gailendu da Kigaliko helmugan, eta gaur urrezko domina lortuta, aste historikoa biribildu du, astearteko erlojupekoan zilarra bereganatu baitzuen.
Marlen Reuserrek eta Remco Evenepoelek irabazi dute erlojupekoa 2025eko Munduko Txapelketan
Txirrindulari suitzarrak eta ziklista belgikarrak urrezko domina eskuratu dute elite mailan, Ruandan jokatzen ari den Munduko Txapelketan. Anna van der Breggen eta Demi Vollering igo dira podiuma osatzera emakumezkoetan, eta Jay Vine eta Ilan Van Wilder gizonezkoetan.
McNulty estatubatuarrak irabazi du Poloniako Tourra, eta Pello Bilbao bederatzigarren sailkatu da
McNultyk lidergoa lortu du azken erlojupekoan gailenduta. Pello Bilbao 20. izan da azken etapan, irabazlearengandik 45 segundora, eta bederatzigarren amaitu du sailkapen nagusian.
Isaac Del Torok irabazi du Burgosko Itzulia, eta Cicconek Neilako etapa handia
Mexikarrak buelta eman dio Leo Bisiaux ordura arteko liderrak zuen 26 segundoko aldeari. Sailkapen nagusian, Urko Berrade nafarra hamargarren izan da.