Roglicek irabazi du Sant Feliu de Guixolsen eta Voltako lehen liderra da, Evenepoelen aurretik
Primoz Roglic (Jumbo-Visma) esloveniarrak irabazi du astelehen honetan Kataluniako Voltako lehen etapa, Sant Feliu de Guixolsen hasi eta bukatu den 164,6 kilometroko zirkuituan.
Volta honetatik Primoz Roglic eta Remco Evenepoelen arteko lehia handia espero da, 102. edizio honetako bi izar handiak dira eta hasiera batean hurrengo Italiako Giroan arrosaz janzteagatik borrokatuko diren txirrindulariak. Baina kiniela askotan sartzen ez zena lehen etapa honetan bien arteko buruz buruko bat ikustea zen.
Hiru mendiko etapa handi dituen edizio batean, Sant Feliuko helmuga ihesaldi baterako edo lasterketako esprinter bakanetarako aproposa izan zitekeen. Baina ez. Errepideak gorantz egin zuen unean, lasterketako oilarrak agertu ziren eta Roglicek lehen etapa irabazi zuen Remco Evenepoelen (Soudal-Quick Step) aurkako esprint elektriko eta parekatuan.
Roglic ondo kokatu zen eta indartsuena izan zen, baina esprinta esloveniarrarentzat luzeegia izateko zorian egon zen. Atzetik, nahiz eta azken borroka oso urrun hasi, egungo munduko txapelduna aurkariak aurreratzen joan zen (eta taldekide bat ere bai) Roglicengana iristeko, eta irabazlearengandik bi metrora geratu zen.
Hirugarren Ide Schelling (BORA-hansgrohe) izan zen, Maxim Van Gils (Lotto Dstny) belgikarra laugarren eta Giulio Ciccone (Trek-Segafredo) italiarra bosgarren. Astearte honetan berriz ere aurrez aurre izango dira Roglic eta Evenepoel, ezustekorik ezean, Vallterreko igoeran, lasterketako lehen mendatea.
1. ETAPAKO SAILKAPENA
1 - ROGLIC Primož (Jumbo-Visma) 3:48:17
2 - EVENEPOEL Remco (Soudal - Quick Step) d.b.
3 - SCHELLING Ide (BORA – hansgrohe) d.b.
4 - VAN GILS Maxim (Lotto Dstny) d.b.
5 - CICCONE Giulio (Trek – Segafredo) d.b.
6 - HAYTER Ethan (INEOS Grenadiers) d.b.
7 - GODON Dorian (AG2R Citroën Team) d.b.
8 - VAN WILDER Ilan (Soudal - Quick Step) d.b.
9 - MENTEN Milan (Lotto Dstny) d.b.
10 - COQUARD Bryan (Cofidis) d.b.
SAILKAPEN NAGUSIA
1 - ROGLIC Primož (Jumbo-Visma) 3:48:07
2 - EVENEPOEL Remco (Soudal - Quick Step) +0:04
3 - SCHELLING Ide (BORA – hansgrohe) +0:06
4 - VAN GILS Maxim (Lotto Dstny) +0:10
5 - CICCONE Giulio (Trek – Segafredo) d.b.
6 - HAYTER Ethan (INEOS Grenadiers) d.b.
7 - GODON Dorian (AG2R Citroën Team) d.b.
8 - VAN WILDER Ilan (Soudal - Quick Step) d.b.
9 - MENTEN Milan (Lotto Dstny) d.b.
10 - COQUARD Bryan (Cofidis) d.b.
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.