Roglicek irabazi du Tortoreton eta Kämna da Tirreno-Adriatikoko lider berria
Primoz Roglic (Jumbo-Visma) esloveniarrak irabazi du ostegun honetan Tirreno-Adriatiko lasterketako laugarren etapa, Greccio eta Tortoreto artekoa, 218 kilometrokoa. Lennard Kämna (BORA-hansgrohe) alemaniarra da probako lider berria.
Roglic egon da buruan, zituen aukerak aztertzen. Tortoreto gaineko azken igoeran, hiru itzuli eman dizkioten zirkuitu itxi baten ondoren, esloveniarrak bihurgunearen barrualdea hartu, azeleratu eta beste martxa bat sartu du helmuga lehen postuan zeharkatu arte.
Roglicen atzetik, denbora berean, Julian Alaphilippe frantziarra (Soudal-Quick Step), Adam Yates (UAE Team Emirates), Wilco Kelderman (Jumbo-Visma), Tao Geoghegan Hart (INEOS Grenadiers) eta Enric Mas espainiarra (Movistar Team) iritsi dira.
Talde oparoagoa izan da Roglicen denbora berarekin sartu dena, orain bigarren dena Lennard Kämna (BORA-hansgrohe) alemaniarra buru duen sailkapen nagusian, 6 segundoko aldearekin Roglicekiko eta 8 segundoko aldearekin Joao Almeidarekiko (UAE Team Emirates).
Ostiral honetan goian amaituko den etapa jokatuko da eta litekeena da sailkapen nagusian aldaketa gehiago egotea. Bosgarren etapa laburra izango da, 168 kilometrokoa, Morro d 'Oro eta Sarnano-Sassotetto gainaren artean, eta aparteko mailako 13,1 kilometroko igoera izango du, % 7,3ko batez besteko aldaparekin.
4. etapako sailkapena:
1 - ROGLIC Primož (Jumbo) 5:00:04
2 - ALAPHILIPPE Julian (Soudal) d. b.
3 - YATES Adam (UAE) d. b.
4 - KELDERMAN Wilco (Jumbo) d. b.
5 - GEOGHEGAN HART Tao (INEOS) d. b.
6 - MAS Enric (Movistar) d. b.
7 - LAFAY Victor (Cofidis) d. b.
8 - ALMEIDA João (UAE) d. b.
9 - VLASOV Aleksandr (BORA) d. b.
10 - CARTHY Hugh (EF) d. b.
Sailkpen nagusia:
1 - KÄMNA Lennard (BORA) 15:38:46
2 - ROGLIC Primož (Jumbo) +0:06
3 - ALMEIDA João (UAE) +0:08
4 - MCNULTY Brandon (UAE) +0:13
5 - KELDERMAN Wilco (Jumbo) +0:15
6 - VLASOV Aleksandr (BORA) +0:17
7 - HINDLEY Jai (BORA) +0:18
8 - GEOGHEGAN HART Tao (INEOS) +0:19
9 - CICCONE Giulio (Trek) +0:26
10 - MAS Enric (Movistar) +0:27
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.