Filippo Ganna, Tirreno-Adriaticoko lehen liderra erlojupekoa irabazita
Filippo Ganna (INEOS Grenadiers) txirrindulari italiarra da Tirreno-Adriatico lasterketako lehen liderra, astelehen honetan Lido di Camaioreko erlojupekoa irabazi ostean, 11,5 kilometroko ibilbidea eginda.
Erlojuaren aurka espezialista onenetako denak 12:28ko denbora behar izan du ibilbidea egiteko, eta, batez beste orduko 55,35 kilometroko abiadura lortuta, 28 segundo atera dizkio Lennard Kämnari (BORA-hansgrohe), italiarra helmugaratu arte liderra zenari.
Ganna izan da irteera hartu duen azken txirrindularietako bat; beraz, Kämnak azken unean galdu du lehen postua. Bere ibilbideko 23. garaipena lortuta, italiarrak ez du ezustekorik eman.
Verbaniakoa izan zen 2022an Tirreniar itsasoa eta Adriatikoa lotzen dituen lasterketako hiruhortza altxatzen lehena, eta 58. edizio honetan ere garaipena lortu du atarikoan, eta lasterketako lehen liderra izan da berriro.
Ganna eta Kämna txirrindularien atzetik, hirugarren sailkatua Magnus Sheffield (INEOS Grenadiers) izan da, irabazlearengandik 31 segundora. Michael Hepburn (Team Jayco AlUla) izan da laugarren, 33 segundora, eta Brandon McNulty (UAE Team Emirates) bosgarren, 34ra.
1. ETAPAKO SAILKAPENA
1 - GANNA Filippo (INEOS Grenadiers) 0:12:28
2 - KÄMNA Lennard (BORA – hansgrohe) +0:28
3 - SHEFFIELD Magnus (INEOS Grenadiers) +0:31
4 - HEPBURN Michael (Team Jayco AlUla) + 0:33
5 - MCNULTY Brandon (UAE Team Emirates) +0:34
6 - ARENSMAN Thymen (INEOS Grenadiers) +0:39
7 - ALMEIDA João (UAE Team Emirates) +0:41
8 - LEKNESSUND Andreas (Team DSM) d.b.
9 - PEDERSEN Casper (Soudal - Quick Step) +0:47
10 - KELDERMAN Wilco (Jumbo-Visma) +0:48
SAILKAPEN NAGUSIA
1 - GANNA Filippo (INEOS Grenadiers) 0:12:28
2 - KÄMNA Lennard (BORA – hansgrohe) +0:28
3 - SHEFFIELD Magnus (INEOS Grenadiers) +0:31
4 - HEPBURN Michael (Team Jayco AlUla) + 0:33
5 - MCNULTY Brandon (UAE Team Emirates) +0:34
6 - ARENSMAN Thymen (INEOS Grenadiers) +0:39
7 - ALMEIDA João (UAE Team Emirates) +0:41
8 - LEKNESSUND Andreas (Team DSM) d.b.
9 - PEDERSEN Casper (Soudal - Quick Step) +0:47
10 - KELDERMAN Wilco (Jumbo-Visma) +0:48
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.