Evenepoelek irabazi du urrezko domina Munduko Txapelketako errepideko proban
Remco Evenepoelek eramango du soinean ortzadar maillota datorren denboraldian, igande honetan (irailak 25) Woollogangeko (Australia) Munduko Txapelketako errepideko proban nagusitu ostean. Belgikarra bakarka sartu da helmugan 25 kilometroren faltan erasoa jo ondoren. Berrade, Lazkano eta Martin euskal ordezkariek ezin izan dute proba bukatu.
Evenepoel faboritoen artean zegoen 266,9 kilometroko ibilbidean nagusitzeko, baina erakutsitako nagusitasuna erabatekoa izan da. 74 kilometroren faltan, bere eraso batek tropela murriztu du eta lasterketa buruan 30 txirrindulari pasatxo geratu dira. Belgikarrak indarra zuen eta 34 kilometroren faltan, beste eraso bat jo eta garaipenaren bila joan da. Alexey Lutsenko Kazakhstango txirrindularia izan da jarraitu dion bakarra.
Evenepoelen erritmoa oso bizia izan da eta Pleasant muinoko azken igoeran, 25 kilometroren faltan, Lutsenkok ezin izan du belgikarraren erritmoarekin. Gauzak horrela, Remco Evenepoelek azken kilometroak bakarka egin, eta garaipenaz gozatu ahal izan du.
Tropela 2 minutu eta 21 segundora iritsi da, beraz, zilarra eta brontzea esprintean erabaki dira. Christophe Laporte frantziarra bigarren izan da eta Michael Matthews australiarrak podiuma osatu du.
22 urterekin Remcok denboraldi bikainari itxiera eman dio; aurten bere lehen monumentua (Lieje), bere lehen itzuli handia (Vuelta) eta ortzadar maillota janztea lortu ditu.
Euskal ordezkaritzak ez du egunik onena izan. Urko Berradek, Gotzon Martinek eta Oier Lazkanok ezin izan dute proba amaitu 11. izan den Ivan García Cortina taldekidearentzat lan egin ostean.
SAILKAPENA:
1- EVENEPOEL Remco 6:16:08
2 - LAPORTE Christophe +2:21
3 - MATTHEWS Michael d. b.
4 - VAN AERT Wout d. b.
5 - TRENTIN Matteo d. b.
6 - KRISTOFF Alexander d. b.
7 - SAGAN Peter d. b.
8 - BETTIOL Alberto d. b.
9 - HAYTER Ethan d. b.
10 - SKJELMOSE JENSEN Mattias d. b.
Zure interesekoa izan daiteke
Vingegaardek kolpea eman du bigarren etapa jarraian irabazi ondoren
Daniarra nagusitasunez eta bakarrik helmugaratu da, 20 kilometroren faltan erasoa jo ostean, eta ia erabakita utzi du Frantziako lasterketaren sailkapen nagusia.
Helmugatik 20 kilometrotara eraso egin eta bakarrik amaitu du Vingegaardek Paris-Nizako bosgarren etapa
Dagoeneko garaile bazen ere, Jonas Vingegaardek (VISMA) helmugatik 20,8 metrora egin du erasoaldia. Bakarrik helmugaratu da 4:29:01eko denbora eginda. Valentin Paret-Peintre (Quick-Step) iritsi da bigarren eta Harold Tejada (Astana) hirugarren.
Van der Poelek bere bigarren garaipena erdietsi du, eta Pellizzarik lidergoa kendu dio Del Torori
Nederlandarra izan da nagusi ostegun honetan Tirreno-Adriatico lasterketan, aurten bigarren aldiz, Giulio Pellizzari italiarraren aurretik. Van der Poel esprint polit batean nagusitu da.
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako liderra da, laugarren etapan bakarrik helmugaratuta. Vingegaardek erasoa jo du helmugatik 1.000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de Marsiko helmugan, Jonathan Milan eta Jasper Philipsen faboritoen aurretik. Milan bera etapako podiumetik urrun geratu da, erasoa goizegi abiatu du eta.
Bi kulotekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi kulotekin atera da lasterketako laugarren etapara. Xira, maillot luze bat, beste xira bat, bigarren maillota eta bi kulot zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.