Bauhausek irabazi du Poloniako Tourreko 5. etapa, eroriko batek eragin duen esprint murriztuan nagusituta
Phil Bauhausek (Bahrain Victorious) irabazi du Poloniako Tourreko bosgarren etapa, asteazken honetan (abuztuak 3) Lancut eta Rzeszow artean egin dena 178,1 kilometroko ibilbidearekin. Sergio Higuitak (BORA hansgrohe) jarraitzen du liderraren elastikoaren jabea izaten.
Azken kilometroan eman den erorikoak balditzatu du etapa amaiera. Helmugarako 800 metro falta zirenean erorikoa eman da tropelean, eta hainbat txirrindulari lurrera joan direnez, zortzi txirrindulariko taldetxoa iritsi da buruan azken zuzengunera; esprintean, Bauhaus izan da onena. Alemaniarraren ostean helmugaratu dira Arnaud Demare (Groupama-FJD) eta Nikias Arndt (DSM), bigarren eta hirugarren hurrenez hurren.
Higuita liderra, etapa irabazlearekiko 46 segundora helmugaratu da, erorikoaren eraginez moztuta geratu delako, baina erorikoa azken kilometroaren barruan gertatu denez, irabazlearen denbora bera eman diote, beste txirrindulari guztiei bezala.
Bosgarren etapa jokatu ostean, Sergio Higuita da sailkapen nagusiko liderra, eta lau segundo ateratzen dizkio bigarren den Pello Bilbaori (Baharin Victorious). Hirugarren postuan da Quinten Hermans (Intermarche-Wanty-Gobert Materiuax), liderrarekiko sei segundora.
Bosgarren etapako sailkapena:
1 - BAUHAUS Phil (Bahrain) 4:16:19
2 - DEMARE Arnaud (Groupama) d. b.
3 - ARNDT Nikias (DSM) d. b.
4 -KANTER Max (Movistar) d. b.
5 - THEUNS Edward (Trek) m. t.
6 - MILAN Jonathan (Bahrain) d. b.
7 - PAGE Hugo (Intermarche) d. b.
8 - MULLEN Ryan (BORA) d. b.
9 - GUARNIERI Jacopo (Groupama) d. b.
10 -STOSZ Patryk (Poland) d. b.
Sailkapen nagusia:
1 - HIGUITA Sergio (BORA) 24:09:05
2 - BILBAO Pello (Bahrain) +0:04
3 - HERMANS Quinten (Intermarché) +0:06
4 - ULISSI Diego (UAE) +0:10
5 - SOBRERO Matteo (BikeExchange) d. b.
6 - CARAPAZ Richard (INEOS) d. b.
7- HAYTER Ethan (INEOS) d. b.
8 - PACHER Quentin (Groupama) d. b.
9 - HAMILTON Lucas (BikeExchange) d. b.
10 - CRAS Steff (Lotto Soudal) d. b.
Zure interesekoa izan daiteke
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Paula Blasik irabazi du Durango-Durango Emakumeen Saria, erakustaldia emanda
UAEko txirrindulari kataluniarra, 2026ko Espainiako Vueltako txapelduna bera, bakarrik helmugaratu da; FDJko Evita Muzic bigarrena izan da, eta EF Education-Oatlyko Alice Towersek eskuratu du hirugarren postua.
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira, Bretainian. Garaipen horiekin, Gamiz-Fikakoak lau garaipen lortu ditu guztira profesional mailan; izan ere, 2024an Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.