Jumbo-Visma talde osoak eta Adam Yatesek Suitzako Tourra utzi dute, koronabirus agerraldi baten ondorioz
Jumbo-Visma talde herbeheretarrak Suitzako Tourra utzi duela konfirmatu du bosgarren etaparen atarian, koronabirusaren ondorioz. Hala ere, taldeak ez du kasu kopuruaren berri ezta kutsatuen izenik eman. Ineos-Grenadierseko Adam Yates britainiarrak ere lasterketa utzi du, arrazoi berberagatik.
"Arretaz ibili garen arren, koronabirusa taldean sartu da berriro. Txirrindularien, langileen, tropelaren eta lasterketaren hobe beharrez, osasun eta kirol zuzendaritzaren ustez lasterketa uztea da erabakirik onena. Erabakia lasterketako zuzendaritzarekin batera hartu dugu", adierazi dute Jumbo-Vismaren arduradunek ohar batean.
Jumbo-Vismak ez du argitu zein edo zeintzuk kutsatu ditu agerraldiak, baina, "momentuz", gertatutakoak Frantziako Tourrera joango diren txirrindularien zerrendan "eraginik ez" duela azpimarratu dute. Suitzan Sepp Kuss estatubatuarra eta Robert Gensink herbeheretarra aritu dira taldeburu gisa.
Taldeak ziurtatu duenez, ohiko protokoloak bete ditu positiboak ekiditeko: "txirrindulariei eta langileei probak egunero egin positibo bat agertuz gero lehenbailehen isolatzeko", eta "musukoak, aire-garbigailuak eta banakako gelak" erabiltzea.
Adam Yates ere, positibo
Irteeran beste hutsune bat izan da, Adam Yates Ineos-Grenadiers taldeko txirrindulariarena.
"Taldearen UCIren protokoloei jarraituta, Adam Yatesek Suitzako Tourra utzi du goizean sukarra izan eta koronabirusaren proban positibo eman ostean", adierazi du Ineos taldeak sare sozialetan.
Zure interesekoa izan daiteke
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.
Pogacarrek lehen postua sendotu du; Reusserrek, berriz, Longo Borghiniri kendu dio
Esloveniarrak Mathieu van der Poel (Alpecin) gainditu du Suitzako Tourreko azken-aurreko etapako erlojupekoan, eta Marlen Reusser suitzarrak (Movistar) 9 segundoko aldea atera dio sailkapen nagusian liderra zen Elisa Longo Borghini (UAE) italiarrari.