Ganna, nagusi 4. etapako erlojupekoan; Van Aert bigarren izan da eta lidergoa sendotu du
Filippo Gannak (Ineos Grenadiers) irabazi du Dauphine Kriteriumeko laugarren etapako erlojupekoa eta bigarren izan den Wout van Aertek (Jumbo Visma) lidergoa sendotu du. Txirrindulariek Montbrison eta La Batie d'Urfe arteko 31,9 kilometroko ibilbidea gainditu behar izan dute.
Ganna erlojupeko munduko txapeldunak 35 minutu eta 32 segundoko marka ezarri du helmugan eta inork ezin izan du gainditu. Van Aert liderra bigarren izan da italiarrarekiko bi segundora, eta Ethan Hayterrek (Ineos Grenadiers) amaitu du hirugarren, 17 segundora.
Sailkapen nagusiko lehen postuan da Van Aert eta 53 segundo ateratzen dizkio bigarren postuan dagoen Mattia Cattaneori (Quick Step). Primoz Roglic (Jumbo Visma) hirugarren da, liderrarekiko 56 segundora.
4. etapako sailkapena:
1 - GANNA Filippo (INEOS) 35:32
2 - VAN AERT Wout (Jumbo-Visma) +0:02
3 - HAYTER Ethan (INEOS) + 0:17
4- CATTANEO Mattia (Quick-Step) +0:39
5 - ROGLIC Primož (Jumbo) +0:42
6 - DURBRIDGE Luke (BikeExchange) +0:53
7 - VINGEGAARD Jonas (Jumbo) +1:12
8 - CARUSO Damiano (Bahrain) +1:25
9 - GEOGHEGAN HART Tao (INEOS) +1:31
10 - AYUSO Juan (UAE) +1:34
Sailkapen nagusia:
1 - VAN AERT Wout (Jumbo) 13:26:06
2 - CATTANEO Mattia (Quick-Step) +0:53
3 - ROGLIC Primož (Jumbo) +0:56
4 - VINGEGAARD Jonas (Jumbo) +1:26
5 - HAYTER Ethan (INEOS) d. b.
6 - CARUSO Damiano (Bahrain) +1:39
7 - GEOGHEGAN HART Tao (INEOS) +1:45
8 - AYUSO Juan (UAE) +1:48
9 - JORGENSON Matteo (Movistar) +1:50
10 - O'CONNOR Ben (AG2R) +2:00
Zure interesekoa izan daiteke
Paula Blasik irabazi du Durango-Durango Emakumeen Saria, erakustaldia emanda
UAEko txirrindulari kataluniarra, 2026ko Espainiako Vueltako txapelduna bera, bakarrik helmugaratu da; FDJko Evita Muzic bigarrena izan da, eta EF Education-Oatlyko Alice Towersek eskuratu du hirugarren postua.
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira, Bretainian. Garaipen horiekin, Gamiz-Fikakoak lau garaipen lortu ditu guztira profesional mailan; izan ere, 2024an Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.