Hayterrek Aberasturiren garaipena eragotzi du, Romandiako Tourreko bigarren etapako esprintean nagusituta
Ethan Hayterrek (Ineos Grenadiers) irabazi du Romandiako Tourreko bigarren etapa, ostegun honetan (apirilak 28) Echallensen hasi eta amaitu dena, eta 168,2 kilometroko ibilbidea izan duena. Jon Aberasturi (Trek Segafredo) euskal txirrindulariak gertu izan du garaipena, baina bigarren amaitu du. Rohan Dennisek (Jumbo Visma) jarraitzen du lidertzan.
Estreinako erlojupekoa irabazita liderraren elastikoa jantzi zuen Hayterrek lasterketako lehen egunean, eta bigarren etapan Ineos taldearen lana biribildu du, garaipena erdietsita. Aberasturi izan da bigarren, eta Fernando Gaviria (UAE Emirates) hirugarren.
Diego Lopez (Kern Pharma), Skujins (trek Segafredo), Brun (Swiss Cycling) eta Planckaert (Intermarche - Wanty - Gobert Materiaux) izan dira eguneko ihesaldiko protagonistak. Diego Lopez Nafarroako txirrindulariak eta Planckaertek ezin izan dute ihesaldiko beste bi kideen erritmoa jarraitu. Brun eta Skujins geratu dira lasterketa buruan, baina tropelak helmugarako 20 kilometro falta zirenean harrapatu ditu.
Ineosek Hayterrentzat egin du lan azken kilometroetan, eta UAEk Gaviriarentzat. Ethan Hayter bere taldearen lanaz baliatu da etapa irabazteko, esprintean Aberasturi (bigarren) eta Gaviria (hirugarren) mendean hartuta.
Rohan Dennis dago sailkapen nagusiko lehen postuan, eta 14 segundo ateratzen dizkio bigarren den Felix Grobschartnerri (BORA-hansgrohe). Liderrarekiko 18 segundora dago Mauro Schmid (Quick Step Alpha Vinyl), hirugarren postuan.
2. etapako sailkapena:
1 - HAYTER Ethan (INEOS Grenadiers) 4:04:55
2 - ABERASTURI Jon (Trek Segafredo) d. b.
3 - GAVIRIA Fernando (UAE Team Emirates) d. b.
4 - VLASOV Aleksandr (BORA-hansgrohe) d. b.
5 - QUINN Sean (EF Education-EasyPost) d. b.
6 - HERMANS Quinten (Intermarché - Wanty - Gobert Matériaux) d. b.
7 - ARNDT Nikias (DSM) d. b.
8 - O'CONNOR Ben (AG2R Citroën) d. b.
9 - GROßSCHARTNER Felix (BORA-hansgrohe) d. b.
10 - KRUIJSWIJK Steven (Jumbo Visma) d. b.
Sailkapen nagusia:
1 - DENNIS Rohan (Jumbo Visma) 8:34:43
2 - GROßSCHARTNER Felix (BORA-hansgrohe) + 14"
3 - SCHMID Mauro (Quick-Step Alpha Vinyl) + 18"
4 - TEUNS Dylan (Bahrain Victorious) d. b.
5 - AYUSO Juan (UAE Team Emirates) d. b.
6 - HONORE Mikkel Frølich (Quick-Step Alpha Vinyl) d. b.
7 - BEVIN Patrick (Israel Premier Tech) + 20"
8 - MCNULTY Brandon (UAE Emirates) + 21"
9 - VLASOV Aleksandr (BORA-hansgrohe) + 23"
10 - HIRSCHI Marc (UAE Emirates) + 24"
Zure interesekoa izan daiteke
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako lider berria da laugarren etapan bakarrik helmugaratu ondoren. Vingegaardek erasoa jo du helmugatik 1000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de 'Marsiko helmugan, Jonathan Milan eta Jasper Philipsen bezalako faboritoen aurretik. Milan bera etapako podiumetik urrun geratu da bere erasoa goizegi abiatuta.
Bi kuloterekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi kuloterekin atera da lasterketako laugarren etapara. Xira, maillot luze bat, bigarren xira bat, bigarren maillota eta bi kulot zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.