Van Vleutenek bigarrenez irabazi du Lieja-Bastogne-Lieja lasterketa
Annemiek Van Vleuten herbeheretarrak bere ibilbideko bigarren Lieja-Bastogne-Lieja lasterketa irabazi du, seigarren ediziokoa zken kilometroetan ihes egin eta bera bakarrik helmugaratuta. Movistar taldeko txirrindulariak 43 segundoko aldea atera dio atzetik sartu den boskoteari.
39 urteko Van Vleutenek 3 ordu, 52 minutu eta 32 segundoko denboran bete du 142,1 kilometroko ibilbidea.
Herbeheretarrak erasoa jo du helmugarako 30 kilometrora eta Marlen Reusser suitzarrarekin batera joan da lasterketa buruan, 112. kilometroan igo behar izan duten Cote de la Redoutera bidean.
Baina talde nagusia biak harrapatu ditu helmugarako 23 kilometrora, Grace Brownek erritmoa bizitu ostean. Van Vleuten berriro saiatu da helmugarako 14 kilometrora, La Roche-aux-Fauconsera igoeran, eta oraingoan aurkariek ezin izan diote bere erritmoari eutsi.
Helmugan, Grace Brown bigarren izan da eta Demi Vollering hirugarren. Ane Santesteban, aldiz, 17. postuan sartu da.
SAILKAPENA
1-. VAN VLEUTEN Annemiek Movistar Team 3:52:32
2-. BROWN Grace FDJ Nouvelle-Aquitaine Futuroscope +0:43
3-. VOLLERING Demi Team SD Worx +0:43
4-. MOOLMAN Ashleigh Team SD Worx +0:43
5-. LONGO BORGHINI Elisa Trek - Segafredo +0:43
6-. CAVALLI Marta FDJ Nouvelle-Aquitaine Futuroscope +0:47
7-. SIERRA Arlenis Movistar Team +1:58
8-. LIPPERT Liane Team DSM +1:58
9-. NIEWIADOMA Katarzyna Canyon//SRAM Racing +1:58
10-. SPRATT Amanda Team BikeExchange - Jayco +1:58
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.