Valverdek Eddy Merckxen marka berdindu nahi du, Pogaçar iazko irabazlearen azken orduko baja duen edizioan
Lieja-Bastogne-Lieja lasterketa berezia da. Aurtengo edizioak 257,2 kilometro izango ditu eta egungo txirrindulari onenak bertan izango dira. Tartean, Alejandro Valverde. Murtziako txirrindulariak lau aldiz irabazi du lasterketa (2006an, 2008an, 2015ean eta 217an), Eddy Merckx historikoak bakarrik ditu espainiarrak baino garaipen gehiago. Belgikarrak bosgarrenez irabaztea lortu zuen 1975.ean.
Ondorioz, Valverderentzat edizio berezia izango da aurtengoa, erretiroa hartu aurretik korrituko duen azkena, eta Merckxen garaipen kopurua berdintzen saiatuko da.
Tadej Pogaçar iazko irabazlea azken orduko baja da, familiarekin lotutako arazoengatik.
Garaipena lortzeko beste hautagaietako bat Wout Van Aert belgikarra da. Bigarrenez gin zuen igandeko Paris-Roubaix lasterketan, eta Jumbo Visma talde indartsuan Jonas Vingegaard eta Tiesj Benoot izango ditu taldekide.
Julian Alaphilippe eta Remco Evenepoel ere irteeran izango dira, Ineos taldeko Daniel Felipe Martinez 2022ko Itzuliko irabazlearekin eta Michal Kwiatkowski, Geraint Thomas, Tom Pidcock eta Carlos Rodríguez txirrindulariekin batera.
Bahrain Victoruousek ere talde indartsua izango du: Matej Mohoric Milano-San Remoko irabazlea, Dylan Teuns, Wout Poels eta Mikel Landa parte-hartzaileen zerrendan dira.
Horiez gain, kontuan izateko beste zenbait izen ere badira: Benoit Cosnefoy, Aleksandr Vlasov, Romain Bardet eta Bauke Mollema, esaterako. Ion Izagirre ere bertan izango da, Gorka anaiarekin eta Oier Lazkanorekin batera.
Annemiek Van Vleuten
Emakumezkoen lasterketari dagokionez, Annemiek Van Vleuten da faborito nagusia. Herbeheretarrak bigarrenez irabazi nahi du lasterketa. 2019an lortu zuen bere lehen garaipena, eta aurten bigarren egin du Flandriako Itzulian eta Flecha Valonan.
Van Vleutenekin batera, Movistar taldeak Arlenis Sierra, Paula Patiño, Jelena Eric, Sara Martín eta Katrine Aalerud izango ditu irteeran.
Zuzenean, EITB Median
Klasikoa igandean emango duten zuzenean ETBk eta eitb.eus-ek; 14:30etik aurrera ETB4n eta eitb.eus-en eta 15:00etatik aurrera ETB4tik ETB1era pasatuko da.
Azken urteetako irabazleak gizonezkoetan:
2021, Tadej Pogacar (ESL)
2020, Primoz Roglic (ESL)
2019, Jakob Fuglsang (DIN)
2018, Bob Jungels (LUX)
2017, Alejandro Valverde (ESP)
Azken urteetako irabazleak emakumezkoetan:
2021, Demi Vollering (PSB)
2020, Elizabeth Deignan (GBR)
2019, Annemiek Van Vleuten (PSB)
2018, Anna Van der Breggen (PSB)
Gizonezkoen lasterketako profila
Emakumezkoen lasterketako profila
Zure interesekoa izan daiteke
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako lider berria da laugarren etapan bakarrik helmugaratu ondoren. Vingegaardek erasoa jo du helmugatik 1000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de 'Marsiko helmugan, Jonathan Milan eta Jasper Philipsen bezalako faboritoen aurretik. Milan bera etapako podiumetik urrun geratu da bere erasoa goizegi abiatuta.
Bi kuloterekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi kuloterekin atera da lasterketako laugarren etapara. Xira, maillot luze bat, bigarren xira bat, bigarren maillota eta bi kulot zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.