Consonni eta Van der Poel, garaile Flandiar zehar klasikoan
Chiara Consonnik (Valcar Travel) eta Mathieu Van der Poelek (Alpecin-Fenix) erdietsi dute martxoaren 30ean jokatutako Flandiar zehar klasikoa.
Italiarra indartsu agertu da antolatu gabeko esprintean, beste faborito batzuek lasterketa irabazteko txartel gehiago zituzten arren. Waregemen hasi eta amaitu da 120 kilometroko ibilbidea izan duen Belgikako klasikoaren 5. edizioa.
Consonnik 3 ordu, 4 minutu eta 22 segundo behar izan ditu helmugara heltzeko. Julie de Wilde (Plantur-Pura) izan da bigarren eta Elise Chabbey (Canyon) hirugarren.
Lasterketak une zirraragarriak izan ditu, ihesaldiak tarteko. Iazko irabazlea, Annemiek Van Vleuten, sarritan saiatu da, baina hautagai handienetako bat zenez, ez diote ihes egiten utzi.
SAILKAPENA:
1 - CONSONNI Chiara (Valcar - Travel & Service) 3:06:40
2 - DE WILDE Julie (Plantur-Pura) d.b.
3 - CHABBEY Elise (Canyon//SRAM Racing) d.b.
4 - GEORGI Pfeiffer (Team DSM) d.b.
5 - BASTIANELLI Marta (UAE Team ADQ) d.b.
6 - BARBIERI Rachele (Liv Racing Xstra) d.b.
7 - LE NET Marie (FDJ Nouvelle-Aquitaine Futuroscope) d.b.
8 - BOSSUYT Shari (Canyon//SRAM Racing) d.b.
9 - SIERRA Arlenis (Movistar Team) d.b.
10 - SWINKELS Karlijn (Team Jumbo-Visma) d.b.
Bestalde, gizonezkoen lasterketari dagokionez, Mathieu Van der Poel (Alpecin Fenix) izan da azkarrena Roeselare eta Waregem artean egin den 76. ekitaldian.
4 ordu, 5 minutu eta 39 segundo behar izan ditu 183,7 kilometroko ibilbidea betetzeko. Segundo bat geroago heldu da Tiesj Benoot (Jumbo-Visma) bigarren sailkatua. Thomas Pidcock (Ineos Grenadiers) hirugarrena izan da.
Lasterketa honen hasieran bost txirrindulari aurreratu dira. Gerora, Ineos taldeak tropelaren kontrola hartzen saiatu da, baina zortzi txirrindulari alde egiteko gai izan dira; horien artean zeuden Van der Poel (Alpecin-Fenix), Ben Turner (Ineos Grenadiers), Tom Pidcock (Ineos Grenadiers), Tiesj Benoot (Jumbo Visma), Stefan Küng (Groupama-FDJ) eta Victor Campenaerts (Lotto Soudal). Aldiz, Frantziako Tourra bi aldiz irabazi duen Tadej Pogacar atzean geratu da.
Helmugarako bi kilometrora hasi dira ihesaldiko txirrindularien erasoak. Van der Poelek azken 1.500 metroetan ekin dio bere saiakerari. Berarekin batera Benootek egin du hanka eta bien arteko esprintean herbeheretarra gailendu da.
Lasterketa hau igandean lehiatuko den Flandriako Tourraren atarikoa da, zuzenean jarraitu ahal izango dena eitb.eus-en (11: 00etatik aurrera) eta ETB1en (15: 00etatik aurrera).
SAILKAPENA:
1 - VAN DER POEL Mathieu (Alpecin-Fenix) 4:05:39
2 - BENOOT Tiesj (Jumbo-Visma) + 1"
3 - PIDCOCK Thomas (INEOS Grenadiers) + 5"
4 - CAMPENAERTS Victor (Lotto Soudal) d.b.
5 - POLITT Nils (BORA - hansgrohe) d.b.
6 - KÜNG Stefan (Groupama - FDJ) d.b.
7 - O'BRIEN Kelland (Team BikeExchange - Jayco) d.b..
8 - TURNER Ben (INEOS Grenadiers) + 12"
9 - TRATNIK Jan (Bahrain - Victorious) + 2'08"
10 -POGACAR Tadej (UAE Team Emirates) d.b.
Zure interesekoa izan daiteke
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako lider berria da laugarren etapan bakarrik helmugaratu ondoren. Vingegaardek erasoa jo du helmugatik 1000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de 'Marsiko helmugan, Jonathan Milan eta Jasper Philipsen bezalako faboritoen aurretik. Milan bera etapako podiumetik urrun geratu da bere erasoa goizegi abiatuta.
Bi kuloterekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi kuloterekin atera da lasterketako laugarren etapara. Xira, maillot luze bat, bigarren xira bat, bigarren maillota eta bi kulot zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.