Matthews nagusitu da lehen etapan eta Voltako liderraren elastikoa jantzi du
Michael Matthewsek (Team BikeExchange-Jayco) irabazi du Kataluniako Voltako lehen etapa, astelehen honetan Sant Feliu de Guíxolsen (Girona) hasi eta amaitu dena, 171,2 kilometroko ibilbidearekin. Txirrindulari australiarrak liderraren elastikoa jantzi du.
Esprintean nagusitu da Matthews. Sonny Colbrelli (Bahrain Victorious) izan da bigarren, eta Quentin Pacher (Groupama-FDJ) hirugarren. Lasterketa irabazteko faboritoek ez dute denborarik galdu. Richard Carapazek (Ineos-Grenadiers) erorikoa izan du, baina etapa arazorik gabe bukatu du.
Eguneko lehen ihesaldiko protagonista Alex Molenaar (Burgos-BH) izan da. Ondoren batu zaizkio Carlos Canal (Euskaltel Euskadi), Antonio Jesus Soto (Euskaltel Euskadi) y Raul Garcia (Kern Pharma) eta Jonathan Caicedo (EF Education-Easy Post).
Haizeak, erne egotera behartu ditu tropeleko txirrindulariak, eta mugimenduak egon dira. Hemeretzi txirrindularik osatutako taldeak tropela atzean utzi du; multzo horretan egon dira BikeExchange-Jayco taldeko zazpi kide, Simon Yates taldeburua barne. Yates abantailarekin ikusteak alarmak piztu ditu tropelean eta hemeretziko taldea harrapatu egin dute helmugarako 50 kilometro falta zirenean. Jarraian, beste saiakera bat egin dute Jonathan Caicedok eta Alexander Molenaarrek; ondoren, Theo Delacroix (Intermarche Wanty), Bruno Armirail (Groupama-FDJ), Jonas Hvideberg (Team DSM) eta Pieter Serry (Quick-Step) batu zaizkie. Ihesaldiko taldeak minutu bat baino gehiagoko tartea izan du tropelarekiko, baina esprinterren taldeek behera bota dute ihesaldia, erritmoa bizituta.
Azken txanpan ez da egon ihesaldi saiakerarik. Esprintean erabaki da irabazlea; Matthewsek eta Colbrellik esprinta abiatu dute, australiarra azkarragoa izan da, eta etapa garaipena erdietsi du.
Lehen etapako sailkapena:
1 - MATTHEWS Michael (BikeExchange - Jayco) 3:47:11
2 - COLBRELLI Sonny (Bahrain - Victorious) d. b.
3 - PACHER Quentin (Groupama - FDJ) d. b.
4 - BAGIOLI Andrea (Quick-Step Alpha Vinyl) d. b.
5 - HIGUITA Sergio (BORA - hansgrohe) d. b.
6 - SKJELMOSE JENSEN Mattias (Trek - Segafredo) d. b.
7 - CLARKE Simon (Israel - Premier Tech) d. b.
8 - PRADES Eduard (Caja Rural - Seguros RGA) d. b.
9- HOFSTETTER Hugo (Arkéa Samsic) d. b.
10- VALTER Attila (Groupama - FDJ) d. b.
Sailkapen nagusia:
1 - MATTHEWS Michael (BikeExchange - Jayco) 3:47:01
2 - COLBRELLI Sonny (Bahrain - Victorious) + 4"
3 - HVIDEBERG Jonas Iversby (DSM) + 4"
4 - PACHER Quentin (Groupama - FDJ) + 6"
5 - BAGIOLI Andrea (Quick-Step Alpha Vinyl) + 10"
6 - HIGUITA Sergio (BORA - hansgrohe) + 10"
7 - SKJELMOSE JENSEN Mattias (Trek - Segafredo) + 10"
8 - CLARKE Simon (Israel - Premier Tech) + 10"
9 - PRADES Eduard (Caja Rural - Seguros RGA) + 10"
10 - HOFSTETTER Hugo (Arkea Samsic) + 10"
Zure interesekoa izan daiteke
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Paula Blasik irabazi du Durango-Durango Emakumeen Saria, erakustaldia emanda
UAEko txirrindulari kataluniarra, 2026ko Espainiako Vueltako txapelduna bera, bakarrik helmugaratu da; FDJko Evita Muzic bigarrena izan da, eta EF Education-Oatlyko Alice Towersek eskuratu du hirugarren postua.
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira, Bretainian. Garaipen horiekin, Gamiz-Fikakoak lau garaipen lortu ditu guztira profesional mailan; izan ere, 2024an Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.