Pogacarrek bereganatu du Tirreno-Adriatiko lasterketa, eta Mikel Landak hirugarren amaitu du
Tadej Pogacar (UAE Emirates) esloveniarrak irabazi du Tirreno-Adriatiko lasterketa bigarren urtez jarraian, San Benedetto del Tronton hasi eta amaitu den zazpigarren eta azken etapa jokatu ondoren (159 km). Mikel Landak, bere aldetik, sailkapen nagusiko hirugarren postuan amaitu du.
Pogacarren (Komenda, 23 urte) ospakizun-festara Phil Bauhaus alemaniarra gehitu da. Izan ere, Bahraineko txirrindulari azkarra ez zen azken esprinterako aurreikuspenen artean agertzen, baina Bocholteko (Alemania) txirrindulariak aurkarien markaketa aprobetxatu, erasoa jo eta ezustean harrapatu ditu gainerakoak.
Etapako bigarren postua Giacomo Nizzolo (Israel Premier Tech) italiarrarentzat izan da eta hirugarrena Kaden Groves (BikeExchange) australiarrarentzat. Sailkapen nagusiko gizonak Pogacarrekin iritsi dira.
Horrenbestez, World Tourreko beste lasterketa bat eskuratu du txirrindulari esloveniar miresgarriak. Gainera, bi etapa ere bereganatu ditu, erakustaldiak emanez hasi eta buka, larunbatean Monte Carpegnan bakarka egindako ihesaldiarekin egin zuen bezala. "Beste mundu batekoa da", esan zuen, besteak beste, Mikel Landak.
Esloveniarrarekin batera podiumera igo diren beste bi txirrindulariak Jonas Vingegaard danimarkarra (Jumbo Visma), 2021eko Tourrean bigarren izandakoa, eta Mikel Landa arabarra izan dira. 2021eko ekitaldian postu bera erdietsi zuen murgiarrak, eta aurten ere itxura ona eman du. Era berean, Pello Bilbaok (Bahrain) bederatzigarren bukatu du sailkapen nagusian.
ZAZPIGARREN ETAPAKO SAILKAPENA:
1 - BAUHAUS Phil (Bahrain) 3:39:58
2 - NIZZOLO Giacomo (Israel) d.b.
3 - GROVES Kaden (BikeExchange) d.b.
4 - CIMOLAI Davide (Cofidis) d.b.
5 - DAINESE Alberto (Team DSM) d.b.
6 - KRISTOFF Alexander (Intermarché) d.b.
7 - BOASSON HAGEN Edvald (TotalEnergies) d.b.
8 - KOOIJ Olav (Jumbo-Visma) d.b.
9 - DÉMARE Arnaud (Groupama) d.b.
10 - MOSCHETTI Matteo (Trek) d.b.
BEHIN BETIKO SAILKAPEN NAGUSIA:
1 - POGACAR Tadej (UAE) 27:25:53
2 - VINGEGAARD Jonas (Jumbo) +1:52
3 - LANDA Mikel (Bahrain) +2:33
4 - PORTE Richie (INEOS) +2:44
5 - HINDLEY Jai (BORA) +3:05
6 - ARENSMAN Thymen (Team DSM) +3:16
7 - CARUSO Damiano (Bahrain) +3:20
8 - PINOT Thibaut (Groupama) +3:37
9 - BILBAO Pello (Bahrain) +3:51
10 - CICCONE Giulio (Trek) +4:03
Zure interesekoa izan daiteke
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak kirolakeitb.eus-en eta ETBn izango dira zuzenean ikusgai.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.