Barguil, ihesaldiko igotzailerik onena, garaile Fermon
Warren Barguil (Team Arkéa Samsic) frantziarrak irabazi du Tirreno-Adriatiko lasterketako bosgarren etapa, Sefro eta Fermo artean jokatu dena (155 kilometro), ihesaldian indartsuena izan ostean. Sailkapenean ez da aldaketa handirik egon, eta Tadej Pogacarrek (UAE Team Emirates) liderraren elastiko urdinarekin jarraitzen du.
Etapa ederra ikusi ahal izan da Bi Itsasoetako Lasterketan, Fermoko horma harriztatuetan amaitu dena. Warren Barguilek bere aurpegirik onena atera du helmugara bakarrik iristeko, eta bertan bere ibilbideko zazpigarren garaipena ospatu du. Xandro Meurisse (Alpecin-Fenix) izan da bigarrena, 10 segundora, eta Simone Velasco (Astana) hirugarrena, 14ra.
Ihesaldia gailendu zaio tropel handiari, baina jardunaldiak beste amaiera bat izan zezakeen, Remco Evenepoel (Quick-Step Alpha Vinyl Team), Jonas Vingegaard (Jumbo-Visma) eta Tadej Pogacar (UAE Team Emirates) hirukotearen hutsegiteagatik izan ez balitz.
Evenepoelek erasoa jo du helmugatik 8 kilometrora, eta berarekin batera joan dira Pogacar eta Vingegaard, ihesaldikoengandik ia 1:30eko atzerapena zutenean. Handik bi bat kilometrora, aurrekoekin bat egitetik oso gertu zeudela, okerreko bidea hartu dute, zuzen joan baitira eskuinera egiten zuen bihurgune itxi bat hartu beharrean. Hortxe bukatu dira jazarpena gauzatzeko itxaropen guztiak.
Egiari zor, bidegurutzea ez zegoen ondoegi adierazita (seinale gutxirekin eta bihurgunea hartu behar zutela adierazten zuten epaile gutxi batzuekin). Egoera horretatik kaltetuen Evenepoel atera da, bera izan baita atzera metro gehien egin behar izan dituena. Hala, lanak izan ditu berriro faboritoen taldearekin bat egiteko.
Richie Porte (INEOS) bakarrik saiatu da aurrera egiten harri eta galtzada-harrien gaineko azken aldapa gogorretan, Pogacar, Vingegaard, Evenepoel edo Mikel Landari (Bahrain-Victorious) 2 segundoko errenta ateraz. Horrenbestez, Pogacarrek lider jarraitzen du, eta haren atzetik Evenepoel dago, 9 segundora.
BOSGARREN ETAPAKO SAILKAPENA:
1 - BARGUIL Warren (Team Arkéa) 3:39:53
2 - MEURISSE Xandro (Alpecin) +0:10
3 - VELASCO Simone (Astana) +0:14
4 - OLIVEIRA Nelson (Movistar) +0:15
5 - PORTE Richie (INEOS) +0:26
6 - POGACAR Tadej (UAE) +0:28
7 - VINGEGAARD Jonas (Jumbo) d.b.
8 - MAS Enric (Movistar) d.b.
9 - EVENEPOEL Remco (Quick-Step) d.b.
10 - HINDLEY Jai (BORA) d.b.
11 - LANDA Mikel (Bahrain) d.b.
SAILKAPEN OROKORRA:
1 - POGACAR Tadej (UAE) 18:17:08
2 - EVENEPOEL Remco (Quick-Step) +0:09
3 - ARENSMAN Thymen (Team DSM) +0:43
4 - VINGEGAARD Jonas (Jumbo-Visma) +0:45
5 - LÓPEZ Miguel Ángel (Astana) +1:00
6 - PORTE Richie (INEOS) m.t.
7 - GEOGHEGAN HART Tao (INEOS) +1:02
8 - HINDLEY Jai (BORA) +1:06
9 - MAS Enric (Movistar) +1:11
10 - KELDERMAN Wilco (BORA) +1:14
-------------------------------
12 - BILBAO Pello (Bahrain) +1:18
15 - LANDA Mikel (Bahrain) +1:24
26 - ARANBURU Alex (Movistar) +2:33
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.