Etapa garaipena eta lidergoa Poelsentzat
Herbehereetako Wouter Poels (Bharein) txirrindulariak erdietsi du garaipena Andaluziako Itzuliko 68. edizioko 4. etapan eta lidergoa kendu dio Alessandro Covi (UAE Emirates) italiarrari.
Cullar Vega eta Baza (Granada) herrien artean 167 kilometro burutu dituzte ziklistek 3 ordu, 56 minutu eta 52 segundotan.
Poels liderrak hamar segundoko abantaila du Miguel Angel Lopez (Astana) kolonbiarrarekin sailkapen nagusian; hirugarren Cristian Rodriguez (TotalEnergies) da, hamabira.
Etapari dagokionez aurrenekoak tropelean erasoak jotzen Mikkel Honore (Quick-Steep), Greg Van Avermaet (Ag2R), Rune Herregods (Sport Vlaanderen), Jenno Berckmoes (Sport Vlaanderen) eta Taco Van der Hoorn (Intermarch) izan dira, baina ihesaldia aurki harrapatu du tropel nagusiak.
Alessandro Covi liderrak El Purcheko gainean bere ahulezia erakutsi eta pronto geratu da maldan gora sailkapen nagusiko lehen postuari agur esanez.
Mendatea aurrenekoa igarotzen Superman Lopez (Astana) izan da Alexey Lutsenko eta Harold Tejada taldekideekin batera eta ondoren Damiano Caruso, Jack Haig, Mikel Landa eta Wouter Poels.
Lehen talde hori Ben O'Connor (Ag2R), Ivan Ramiro (Movistar), Christian Rodriguez (Total Energies), Carlos Rodriguez (Ineos), Mauri Vansevenant (Quick Step), Adam Yates (BikeExchange), Jefferson Cepeda (Caja Rural) eta Jonathan Narvaez (Ineos) ziklistek osotzen zuten.
Tropelean UAE Emirates eta Bora lanean jarri dira, baina ezinean.
Faboritoen erasoak
Helmugarako 40 kilometroren faltan abantaila hiru minutukoa zen eta erasoak heldu dira lehen taldean eguna amaitzeko 20 kilometro falta zirenean.
Lutsenkok eraso bortitza jo eta Poelsek bakarrik jarraitu egin du. Biak heldu dira bakarrik Bazako helmugara eta bertan Bhareineko txirrindularia izan da azkarrena. Ihesaldiko gainerako kideak 18 segundora heldu dira.
4. ETAPAK SAILKAPENA
1. POELS Wout (Bahrain - Victorious) 3:56:52
2. LUTSENKO Alexey (Astana Qazaqstan Team) 0:00
3. VANSEVENANT Mauri (Quick-Step Alpha Vinyl Team) 0:18
4. YATES Simon (Team BikeExchange - Jayco) 0:18
5. CARUSO Damiano (Bahrain - Victorious) 0:18
6. RODRIGUEZ Cristian (TotalEnergies) 0:18
7. HAIG Jack (Bahrain - Victorious) 0:18
8. SOSA Ivan Ramiro (Movistar Team) 0:18
9. O'CONNOR Ben (AG2R Citroen Team) 0:18
10. LOPEZ Miguel Angel (Astana Qazaqstan Team) 0:18
SAILKAPEN NAGUSIA
1. POELS Wout (Bahrain - Victorious) 17:06:49
2. LOPEZ Miguel Angel (Astana Qazaqstan Team) 0:10
3. RODRIGUEZ Cristian (TotalEnergies) 0:12
4. HAIG Jack (Bahrain - Victorious) 0:12
5. SOSA Ivan Ramiro (Movistar Team) 0:12
6. RODRIGUEZ Carlos (INEOS Grenadiers) 0:12
7. YATES Simon (Team BikeExchange - Jayco) 0:21
8. O'CONNOR Ben (AG2R Citroën Team) 0:21
9. LUTSENKO Alexey (Astana Qazaqstan Team) 0:24
10. VANSEVENANT Mauri (Quick-Step Alpha Vinyl Team) 0:27
Zure interesekoa izan daiteke
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira Bretainian. Garaipen hauekin, Gamiz-Fikakoak lau garaipen lortu ditu guztira profesional mailan; izan ere, 2024ean Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.