Magnus Sheffieldek irabazi du hirugarren etapa, azken kilometroan ihes eginda
Magnus Sheffield estatubatuarrak (Ineos) irabazi du ostiral honetan jokatu den Andaluziako Itzuliaren 68. edizioko hirugarren etapa Lucena eta Otura artean (153 kilometro) jokatu dena. Ez dira bertan izan Gazprom Rusvelo Errusiako taldeko kideak, txirrindularietako batek covid-19arekin positibo eman baitu.
Alessandro Covi (UAE Team Emirates) italiarrak lidertzan jarraitzen du bigarren jardunaldiz jarraian, Miguel Angel 'Superman' Lopez (Astana) kolonbiarrari 8 segundoko aldea aterata.
Jon Barrenetxea (Caja Rural), Xabier Isasa eta Ibai Azurmendi (Euskaltel) eta Juan Antonio Lopez-Cozar (Burgos) izan dira eguneko protagonistak, baina haien ihesaldiak ez du arrakastarik izan
Amaierarako 30 kilometro falta zirenean, tropela zatitu egin da Simon Yates, Superman Lopez eta Mikel Landaren maniobrekin, baina Covik ezin hobeto eutsi dio egoerari, nahiz eta taldekiderik gabe gelditu.
Lasterketa 30 txirrindulariko talde batean hautsi da, faboritoak aurreko postuetan zeudela. Haien atzetik zatikatuta geratu den tropel nagusia zegoen, eta ezin izan ditu harrapatu, nahiz eta Oturako helmugatik 2 kilometrora iheslarietako zenbait erori egin diren.
Bertan, kaltetuena Carlos Rodriguez Ineos taldeko granadarra izan da, bi minutu eta erdi galdu baititu ezbeharraren ondorioz.
Ordea, Magnus Sheffield taldekideak eman dio Ineosi eguneko poztasuna. Indar handiarekin egin du jauzi 30 kidez osatutako taldetik, eta azken kilometroan izandako nahasmena aprobetxatu du helmuga bakarrik zeharkatzeko.
Granadako probintzia izango da Andaluziako lasterketako laugarren eta azken-aurreko etaparen epizentroa larunbat honetan, Cúllar Vega eta Baza artean. 167,4 kilometro bete beharko dituzte parte-hartzaileek, tartean hiru mendate eta bi tarteko helmuga gainditu beharko dituztela.
ETAPAKO SAILKAPENA:
1 - SHEFFIELD Magnus (INEOS) 3:54:37
2 - CLARKE Simon (Israel) +0:03
3 - DEWULF Stan (AG2R) d.b.
4 - TURNER Ben (INEOS) d.b.
5 - VANSEVENANT Mauri (Quick-Step) d.b.
6 - POELS Wout (Bahrain) d.b.
7 - COVI Alessandro (UAE) d.b.
8 - YATES Simon (Team BikeExchange) d.b.
9 - LÓPEZ Miguel Ángel (Astana) d.b.
10 - DEVENYNS Dries (Quick-Step) d.b.
SAILKAPEN NAGUSIA:
1 - COVI Alessandro (UAE) 13:09:41
2 - LÓPEZ Miguel Ángel (Astana) +0:08
3 - CLARKE Simon (Israel) +0:10
4 - DEVENYNS Dries (Quick-Step) d.b.
5 - CRAS Steff (Lotto Soudal) d.b.
6 - HAIG Jack (Bahrain) d.b.
7 - RODRÍGUEZ Cristián (TotalEnergies) d.b.
8 - SOSA Iván Ramiro (Movistar) d.b.
9 - POZZOVIVO Domenico (Intermarché) d.b.
10 - RODRIGUEZ Carlos (INEOS) d.b.
Zure interesekoa izan daiteke
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.
Pogacarrek lehen postua sendotu du; Reusserrek, berriz, Longo Borghiniri kendu dio
Esloveniarrak Mathieu van der Poel (Alpecin) gainditu du Suitzako Tourreko azken-aurreko etapako erlojupekoan, eta Marlen Reusser suitzarrak (Movistar) 9 segundoko aldea atera dio sailkapen nagusian liderra zen Elisa Longo Borghini (UAE) italiarrari.