Mikel Landa, Tirreno - Adriatikoko izarren artean
Asteazken honetan Tirreno - Adriatikoko 56. edizioa hasiko da Lido di Camaiore herrian 156 kilometroko etapa batekin.
Aurten ere izen handiko txirrindulari asko izango dira irteeran, ziklo-kroseko Mathieu Van der Poel eta Wout Van Aert erregeak esaterako eta tartean Bahrain taldeko Mikel Landa.
Simon Yatesek iazko titulua defendatuko du, baina aurrean aurkari gogorrak egongo dira, adibidez, Tadej Pogacar (2019an irabazi zuen Tirrenoa) edo INEOS talde indartsua Bernal, Geraint Thomas, Filippo Ganna eta Daniel Martinez txirrindulariekin.
Deceuninck Quick Stepek ere oso talde indartsua aurkeztuko du Julian Alaphilippe, Joao Almeida, Kasper Asgreen eta Davide Ballerinirekin. Nairo Quintana (Arkea), Vincenzo Nibali, Mathieu Van der Poel eta Wout Van Aert ere irteeran izango dira.
Esprinterren artean Peter Saganen berragerpena ikusiko da eta berarekin batera gizon azkar asko, Tim Merlier, Fernando Gaviria, Alvaro Hodeg, Caleb Ewan, Elia Viviani eta Sonny Colbrelli.
Ibilbideari dagokionez aurten ere 7 etapa jokatuko dira; goi-mendiko jardunaldi bat, erlojuaren kontrako beste bat, jardunaldi luzeak eta ibilbide gorabeheratsua.
Larunbatean, laugarren egunean, etapa nagusia jokatuko da Prati di Tivo (14,7 km-ko luzera, %7-ko pendizarekin), Sella di Corno eta Passo Capannelle igoerekin eta azken egunean sailkapen nagusia erabakita ez badago erlojuaren kontra 14,4 kilometro egin beharko dituzte San Benedetto del Tronton.
Etapak
Asteazkena 10, 1. etapa, Lido di Camaiore - Lido di Camaiore 156 km
Osteguna 11, 2. etapa, Camaiore - Chiusdino 226 km
Ostirala 12, 3. etapa, Monticiano - Gualdo Tadino 189 km
Larunbata 13, 4. etapa, Terni - Prati di Tivo 148 km
Igandea 14, 5. etapa, Castellalto - Catelfidardo 205 km
Astelehena 15, 6. etapa, Castelraimondo - Lido di Fermo 169 km
Asteartea 16, 7. etapa, San Benedetto del Tronto (erlojupekoa) 11,1 km
Azken irabazleak
2020. Simon Yates (ING)
2019. Primoz Roglic (ESL)
2018. Michal Kwiatkowski (POL)
2017. Nairo Quintana (KOL)
2016. Greg Van Avermaet (BEL)
2015. Nairo Quintana (KOL)
2014. Alberto Contador (ESP)
2013. Vincenzo Nibali (ITA)
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.