Izarrez josita Dauphine, martxan
Dauphine Kriteriumeko 72. edizioa izarrez josita egongo da aurten. Frantziako Tourra asteko bi aste falta direnean txirrindularitzako gizon garrantzitsuenak bilduko dira bost eguneko lasterketa ospetsu honetan.
Ineoseko Egan Bernal, Chris Froome eta Geraint Thomas eta Jumbo Vismako Primoz Roglic, Tom Dumoulin eta Steven Kruijswijk txirrindularien arteko bigarren borroka izango da aurten, L'Aineko Tourrekoa eta gero.
Alpeetako mendietan ez da inor faltako. Tourrari begira egongo dira denak eta aipatutako gizonak aparte, Movistarreko Alejandro Valverde, Enric Mas eta Marc Soler bertan izango dira ere eta sasoian dagoen Mikel Landa gasteiztarra ere. Bahrain McLaren taldeko txirrindulariak bigarren egin du Burgoseko Itzulian eta orain o¡larrekin neurtuko ditu indarrak.
Frantziatik izen handiko hiru gizon ditugu, Julian Alaphilipe, bigarren Milan-San Remon, eta Romain Bardet eta Thibaut Pinot. Kolonbiako ordezkariak, Bernalez aparte, Arkea Samsiceko Nairo Quintana, Astanako Miguel Angel Lopez, Gorka Izagirre eta Omar Fraile euskal txirrindulariekin eta Education Firsteko Rigoberto Uran eta Sergio Higuita izango dira.
Maldan gora ondo moldatzen diren beste txirrindulari batzuk ere Dauphineko zita ez dute galdu nahi izan, hots, Tadej Pogacar, Richie Porte, Juanpe Lopez edo Adam Yates gizonek esaterako. Esprinterrek aukera gutxi izango dute, halere, Peter Saganek eta Wout Van Aertek Clermont Ferrandeko irteeran egotea erabaki dute.
Ibilbidea
Osteguneko bigarren egunetik helduko dira zailtasunak ibilbidean. Col de Porten amaituko da etapa (17,5 kilometro, batez beste %6,2ko pendizarekin); ostiralean, aldiz, Saint Martin de Bellevile izango dute, 1. Mailako beste mendate gogor bat.
Hirugarren egunean Col de la Madeleine mitikoa gainditu beharko du tropelak, Maila Berezikoa, (17,3 kilometro, batez beste %8,3ko pendizarekin) eta asteburuan borrokak jarraitu egingo du. Larunbatean zazpi gain zapaldu beharko dituzte Ugine eta Megeve artean eta igandean azken aukera sailkapen nagusia erabakitzeko Domancy, Col de Romme, Colombiere, Cota de Cordon eta Megeveko gaina.
Dauphineko etapak
1. etapa: abuztuak 12, asteazkena, Clermont Ferrand – Saint-Christo-en-Jarez, 218.5km
2. etapa: abuztuak 13, osteguna, Vienne – Col de Porte, 135km
3. etapa: abuztuak 14, ostirala, Corenc – Saint-Martin-de-Belleville, 157km
4. etapa: abuztuak 15, larunbata, Ugine – Megève, 157km
5. etapa: abuztuak 16, igandea, Megève – Megève, 153.5km
Azken irabazleak
2019: Jakob Fuglsang (DAN)
2018: Geraint Thomas (ING)
2017: Jakob Fuglsang (DAN)
2016: Chris Froome (ING)
2015: Chris Froome (ING)
2014: Andrew Talansky (AEB)
2013: Chris Froome (ING)
2012: Bradley Wigins (ING)
2011: Bradley Wiggins (ING)
Zure interesekoa izan daiteke
Hauek dira 2026ko Donostiako Klasikoan ariko diren taldeak
Donostiako Klasikoko 45. edizioa abuztuaren 1ean lehiatuko da. Bertan, 25 taldetako 175 txirrindularik parte hartuko dute garaipenaren bila.
Getxoko Zirkuituaren 81. edizioa abuztuaren 2an jokatuko da, eta Arkotxako horman izango du helmuga
172 kilometro pasatxoko ibilbidea izango da, berritasun moduan, Pike mendia bi aldiz igoko dute. Iaz Isaac del Toro izan zen garaile. Aurten, besteak beste, Igor Arrieta, Alex Aranburu, Ion Izagirre eta Pello Bilbao izango dira irteeran.
2026ko Burgosko Itzuliko etapa guztien profilak eta ibilbideak
2026ko Burgosko Itzulia abuztuaren 4aren eta 8aren artean lehiatuko da, Gumiel de Izanen hasi eta Lagunas de Neilan amaituta. Bost etapak kirolakeitb.eus-en eta ETBn izango dira zuzenean ikusgai.
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.