Mikel Landa Lieja-Bastogne-Liejan izango da
Alejandro Valverdek Lieja-Bastogne-Lieja proban parte hartuko du igandean, munduko txapeldunaren elastikoa soinean duela. Txirrindulari murtziarra klasiko zaharrena bosgarren aldiz irabazten saiatuko da, eta Mikel Landa arabarra izango du ondoan horretarako, laguntzeko prest.
Valverdek bukaera ona eman nahi die Ardenetako udaberriko klasikoei, orain arte eskuratutako emaitzak ez baitira izan berak lortu ohi izan dituen bezain distiratsuak: Flèche Wallone klasikoan hamaikagarren helmugaratu zen; Flandriako Tourrean, zortzigarren, eta Amstel Gold Racetik oharkabean igaro zen.
Murgiako txirrindulariarekin batera, honako beste taldekide hauek izango ditu bidelagun munduko txapeldunak: Andrey Amador, Winner Anacona, Carlos Betancur, Carlos Verona eta Imanol Erviti nafarra.
Lasterketa igandean jokatuko da, eta 256 kilometroko ibilbidea izango du. Aurtengo, azken 27 edizioetan ez bezala, hiriaren erdialdean egongo da kokatuta helmuga. Ibilbidean zehar, txirrindulariek 11 gain igo beharko dituzte; La Redoute, La Cota des Forges eta La Roche aux Faucons, azkenak.
Iaz, Bob Jungels luxenburgotarra nagusitu zen, eta aurten ere bertan izango da, lehen postua errepikatu nahian. Lasterketa hiru aldiz irabazi duen Peter Sagan ez da irteeran egongo, eta, aurreikuspenak betez gero, lehia estua egongo da Valverderen eta denboraldi zoragarria egiten ari den Alaphilipperen artean. Frantziarra denboraldi bikaina ari da egiten, eta dagoeneko Strade Bianche, Milan-San Remo eta Flèche Wallone bereganatu ditu aurten.
Zure interesekoa izan daiteke
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.
Pogacar, txirrindularitzako munduko txapeldun bigarrenez jarraian
Esloveniarrak 6 ordu, 21 minutu eta 20 segundoko denborarekin amaitu du lasterketa, batez beste 42,089 km/h-ko abiaduran, eta 1 minutu eta 28 segundora helmugaratu da Remco Evenepoel.
Magdeleine Vallieres kanadarrak irabazi du urrezko domina munduko txapelketan, ezustekoa emanda
Kanadako txirrindularia iheskideei aurrea hartuta helmugaratu da. Niamh Fisher-Black zeelandaberritarra eta Mavi Garcia espainiarra izan dira bigarrena eta hirugarrena, hurrenez hurren.
Paula Ostiz, munduko txapelduna junior mailan
Iruñeko txirrindularia nagusitasunez gailendu da Kigaliko helmugan, eta gaur urrezko domina lortuta, aste historikoa biribildu du, astearteko erlojupekoan zilarra bereganatu baitzuen.
Marlen Reuserrek eta Remco Evenepoelek irabazi dute erlojupekoa 2025eko Munduko Txapelketan
Txirrindulari suitzarrak eta ziklista belgikarrak urrezko domina eskuratu dute elite mailan, Ruandan jokatzen ari den Munduko Txapelketan. Anna van der Breggen eta Demi Vollering igo dira podiuma osatzera emakumezkoetan, eta Jay Vine eta Ilan Van Wilder gizonezkoetan.
McNulty estatubatuarrak irabazi du Poloniako Tourra, eta Pello Bilbao bederatzigarren sailkatu da
McNultyk lidergoa lortu du azken erlojupekoan gailenduta. Pello Bilbao 20. izan da azken etapan, irabazlearengandik 45 segundora, eta bederatzigarren amaitu du sailkapen nagusian.
Isaac Del Torok irabazi du Burgosko Itzulia, eta Cicconek Neilako etapa handia
Mexikarrak buelta eman dio Leo Bisiaux ordura arteko liderrak zuen 26 segundoko aldeari. Sailkapen nagusian, Urko Berrade nafarra hamargarren izan da.