Van der Poelek erakustaldia eman du Flandian Zehar klasikoan
Mathieu Van der Poel (Corendon Circus) herbeheretarrak indar erakustaldia eman du asteazken honetan Belgikan jokatu den Flandian Zehar klasikoan. Txirrindulariek 183 kilometroko ibilbidea bete behar izan dute Roeselare eta Waregem herrien artean jokatu den lasterketa burutzeko.
Bost kidez osatutako ihesaldia heldu da helmugara, eta bertan 24 urteko Van der Poel izan da indartsuena.
Bi aldiz ziklo-kroseko munduko txapelduna izandakoak Tiesj Benoot (Lotto Soudal) belgikarraren lehen erasoaldiari erantzun dio, baita Anthony Turgis (Direct Energie) frantziarrak amaierara iristeko 500 metroren faltan egindakoari ere. Aitzitik, gainerako laurak ez dira gai izan herbeheretarrak egindako saiakera bertan behera uzteko, eta, azkenerako, bizikleta bat baino gehiagoko tartearekin sartu da helmugan, besoak gora zituela.
Van der Poelek 4:05:53 behar izan ditu ibilbidea osatzeko, eta bere atzetik sartu dira Turgis eta Bob Jungels (Deceuninck-Quick Step) luxenburgotarra bigarren eta hirugarren postuan, hurrenez hurren. Lukas Postlberger (BORA) austriarra eta Benoot izan dira ihesaldiko azkenak helmugaratzen, irabazleak egindako denbora berean.
Tropel nagusiak 19 segundo gehiago behar izan ditu ailegaerako marra zeharkatzeko, Luke Rowe (Sky) britainiarra buru zuela. Alejandro Valverde 31. postuan sartu da, 24 segundora, igandean korrituko den Flandriako Tourra lehiatzeko gertu.
Zure interesekoa izan daiteke
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Brenner nagusitu da La Panderan, eta Masek lehen postua sendotu du
Marco Brennerrek irabazi du Vueltako 14. etapa, ihesaldi luze baten ondoren, La Pandera mendatean jarritako helmugan esprintean nagusituta. Enric Masek, bere aldetik, aurrerapauso handia eman du sailkapen nagusian, Primoz Roglicekiko aldea handituta.
Pogacarrek 2032ra arte berritu du UAEarekin, eta amaitutzat eman du denboraldia
Bost aldiz Tourra irabazi duen txirrindulari esloveniarrak Arabiar Emirerri Batuetako taldearekin duen lotura luzatu du, eta Vueltako eroriko gogorraren ondorioz izandako lesioak sendatzen zentratuko dela iragarri du.
Wout van Aert nagusi Lojan, eta Enric Masek elastiko gorriari eutsi dio
Van Aertek laugarren garaipena lortu du Vueltan, Valentin Paret-Peintre Soudal taldeko frantziarra esprintean gaindituta. Enric Masek, berriz, sailkapen nagusiko lidergoari eutsi dio.
Jakob Omrzelek irabazi du Calar Alton, Urko Berrade bigarren dela, eta Enric Masek lidergoa sendotu du Espainiako Vueltan
Bahrain-Victorious taldeko txirrindulari gazteak irabazi du Espainiako Vueltako 81. etapa nagusia, eta Masek 27 segundo gehiago atera dizkie Primoz Roglic eta Felix Galli. Urko Berrade eta Pello Bilbao eguneko ihesaldian izan dira.
Matthew Brennan azkarrena izan da berriro esprintean, Lorcan, eta hiru garaipen lortu ditu Espainiako Vueltan
Vismako txirrinduari britainiarrak irabazi du lasterketako 81. ekitaldiko hamaikagarren etapa; Movistarreko Enric Masek lider jarraitzen du.
Bastien Tronchonek irabazi du, esprintean, Espainiako Vueltako hamargarren etapa, eta Enric Masek lider jarraitzen du
Xabier Mikel Azparrenek oso gertu izan du garaipena, baina tropelak azken metroetan aurreratu du; donostiarra seigarren postuan helmugaratu da. Sailkapen nagusian, ez da aldaketarik izan.
Enric Mas nagusitu da Aitana gainean, eta sendotu egin du bere lidergoa
Mallorcako txirrindulariak indar erakustaldia eman du Aitanan, 2026ko Vueltako bederatzigarren etapa irabazita. Movistar Team taldeko buruak nagusitasunez erantzun dio maillot gorria janzteko erronkari, Tadej Pogacar erretiratu ostean, Primoz Roglic eta Felix Gall gaindituz eta lehen atseden egunaren aurretik lidergoa sendotuz.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.