Alaphilippe eta Van der Breggen, berriro garaile Fleche Wallone klasikoan
Julian Alaphilippek (Deceuninck - Quick Step) irabazi du 2019ko Fleche Wallone klasikoa, Huyko aldapan erakustaldia emanda. Frantziarraren bigarren garaipena da Belgikako proban, joan zen urtean ere bera nagusitu baitzen.
Alaphilippe denboraldi aparta ari da gauzatzen, aurretik ere hainbat probatan gailendu baita aurten, tartean Strade Bianche edota Milan-San Remo lasterketa entzutetsuetan.
26 urteko txirrindulariak nagusitasunez azpiratu du Jakob Fuglsang daniarra, nahiz eta Astanakoa izan den Huyn gora lehen erasoa jo duena. Horren aurrean, Alaphilippek nahiago izan du itxaron eta Fuglsangek zabaldutako zuloa gutxika-gutxika murrizten joan.
Hala, amaieratik 100 metrora frantziarraren txanda heldu da. Abiadura bizkortu du, eta ez dio daniarrari berriro erantzuteko abagunerik eman; ondorioz, irabazle sartu da helmugan, lasterketaren 83. edizioan. Bi horien atzetik iritsi da Diego Ulissi italiarra (UAE Team Emirates), sei segundoko atzerapenarekin.
Anna Van der Breggen.Emakumezkoen kategorian, Anna van der Breggen herbeheretarra (Boels - Dolmans) nagusitu da beste behin; izan ere, bosgarren aldia da Ardenetako proba eskuratzen duena. Balentria hori beste bi txirrindularik besterik ez dute erdietsi orain arte: Alejandro Valverdek, gizonezkoetan (2006, 2014, 2015, 2016 eta 2017an) eta Marianne Vosek, emakumezkoetan (2007, 2008, 2009, 2011 eta 2013an). Aitzitik, Van der Breggenen kasuan, garaipenak elkarren segidan heldu dira.Irabazlearengandik segundo bakarrera Annemiek van Vleuten bere herrikidea iritsi da, 2015ean gertatu legez.
Zure interesekoa izan daiteke
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.
Louis Barré bakar-bakarrik helmugaratu da Schwäbisch Hallen
Louis Barré (Visma) frantziarrak lortu du Alemaniako Itzuliko lehen etapako garaipena, bakar-bakarrik helmugaratu da Schwäbisch Hallen. Isaac del Toro (UAE) izan da bigarren 16 segunduko aldearekin. Giule Ciccone (Lidl-trek) izan da hirugarren.
Isaac del Torok irabazi du Alemaniako Itzuliaren aitzin-etapa
Isaac del Toro (UAE) irabazi du Alemaniako Itzuliaren aitzin-etapako erlojupekoa. Paul Magnier (Soudal) izan da bigarren, 1,73” atera dizkio mexikarrak. Laurenz Rex (Soudal) izan da hirugarren, liderrarekiko 1,05 segundoko desberdintasunarekin.