Contador, Porte eta Gardet faborito nagusi, Paris-Niza lasterketan
Alberto Contador (Trek), Richie Porte australiarra (BMC) eta Romain Bardet frantziarra (AG2R) DIRA Paris-Niza lasterketaren 75. edizioa irabazteko faborito nagusiak. Lasterketa igandean hasiko da etapa lau batekin, ohiko atarikoaren ordez.
Alejandro Valverde ez da irteeran izango, gaixorik dagoelako; hala ere, parte-hartzaileen artean maila handiko txirrindulariak daude: Alberto Contadorrek hirugarrenez irabazi nahi du lasterketa, aurten bigarren egin du Andaluziako Itzulian, eta Abu Dhabin ere lehiatu da. Iazko edizioan bigarren izan zen, Geraint Thomasek baino lau segundo gehiago eginda.
Podiuma garesti egongo da: Richie Porte (BMC) Tour Down Underreko irabazlea; Romain Bardet frantziarra (AG2R), iazko Tourreko bigarren sailkatua, Ilnur Zakarin errusiarra, Steven Kruijswijk holandarra (Lotto Jumbo) eta Sergio Henao kolonbiako txapelduna (Sky).
Ibilbideari dagokionez, esprinterako aproposak diren hiru etapa daude. Horrelakoetan maisu diren puntako txirrindulariak daude: Kittel (Quick Step), Kristoff (Katusha), Greipel (Lotto), Degenkolb (Trek) eta Bouhanni (Cofidis), besteak beste.
Emoziorik ez da faltako. Aurten ez da atariko etaparik egongo, etapa lau batekin emango zaio hasiera Paris-Nizari. Horrez gain, 14,5 kilometroko erlojuaren kontrakoa, helmuga aldapan gora duena, eta Tourreko etapa bat, azken aurreko egunean, Col de la Couillolerako igoerarekin. Orotara, 23 mendate igoko dituzte ibilbideko 1.230 kilometroetan.
Zure interesekoa izan daiteke
Ion Izagirre: “Erlaitzen ikusi dut ez nengoela onenekin egoteko moduan"
Ion Izagirrek azkeneko aldiz parte hartu du Donostiako Klasikoan. Gipuzkoarra saiatu da, baina ez du bere egun onena izan.
Ion Izagirre, Pello Bilbao eta Bauke Mollema omendu dituzte Donostian azkenekoz aritu ostean
Hirurak denboraldi honen amaieran erretiratuko direla eta, Donostiako Klasikoaren helmugan bildu diren zaleen omenaldia jaso dute.
Pello Bilbao: “Podiumaren lehiatik hain hurbil egotea sorpresa izan da niretzat"
Bizkaitarrak bosgarren egin du Donostiako Klasikoan bere azken parte hartzean. Podiumetik hain gertu geratu izanak amorrua eman diola onartu du.
Evenepoel, Donostiako Klasikoko errege
Remco Evenepoel txirrindulari belgikarrak laugarrenez irabazi du Donostiako Klasikoa, esprintean Richard Carapaz ekuadortarra menderatuta. Horrela, Red Bull-BORA-Hansgrohe taldeko txirrindulariak historia egin du Donostiako Boulevardean laugarrenez txapela jantzita. Pello Bilbao, bere aldetik, bosgarren postuan helmugaratu da.
Lasterketa erabaki duten azken kilometroak!
Remco Evenepoelek erasoa jo du eta berak egin du lasterketako onenen aukeratketa. Azken kilometroan bera eta Richard Carapaz lehiatu dira nor baino nor gehiago. Pello Bilbaok bosgarren egin du bere azken partaidetzan.
Donostiako Klasikoan arituko diren txirrindulariak eta taldeak aurkeztu dituzte
Larunbat honetan Donostiako Klasikoa lehiatuko da. Bertan, Euskaltel-Euskadi, Caja Rural eta Kern Pharma euskal taldeak arituko dira, baita Pello Bilbao, Ion Izagirre edo Xabier Mikel Azparren euskal txirrindulariak ere, besteak beste. Honela joan da aurkezpen ekitaldia.
Primoz Roglic baja izango da Donostiako Klasikoan eta Burgosko Itzulian, auto batek harrapatu baitu
Red Bull – BORA – hansgrohe taldeko txirrindulariak istripua izan du duela egun batzuk, esloveniarrak berak sare sozialetan baieztatu duenez.
Donostiako Klasikoak erakusleiho izaten jarraitzen du txirrindulari handientzat
Donostiako Klasikoko parte-hartzaileen zerrendan izen ospetsuak agertzen dira. Michal Kwiatkowski edo Remco Evenepoel bezalako izarrek, besteak beste, Donostiako helmugan arrakasta errepikatzea bilatuko dute.
ZUZENEAN: Donostiako Klasikoa, Donostia-Donostia (221,1 km)
Donostiako Klasikoaren 45. edizioaren zuzeneko emanaldia.
Patxi Vila: “Tourretik nola datorren ikusita, Donostiako Klasikoan faborito nagusia Evenepoel da”
Red Bull – BORA – hansgrohe taldeko kirol-zuzendari laguntzaileak bere taldeak Frantziako Tourrean izandako jarduna aztertu du, baita larunbat honetan jokatuko den Donostiako Klasikoa irabazteko faborito nagusia den Remco Evenepoelen prestaketaren xehetasunak ere.