Bouhannik irabazi du lehen etapa eta Contadorrek jarraitzen du lider

Nacer Bouhanni (Cofidis) frantziarrak irabazi du Dauphine Kriteriumeko lehen etapa, Cluses eta Saint-Vulbas artekoa (186 kilometro). Alberto Contadorrek (Tinkoff) lider jarraitzen du.

Bouhannik nagusitasuna azaldu du espritean eta helmuga 4 ordu, 27 minutu eta 53 segundoko denborarekin gurutzatu du. Jens Debusschere (Lotto-Soudal) izan da bigarren eta Sam Bennet (Bora-Argon), hirugarren. Sailkapen nagusian Alberto Contador da liderra, Richie Porte (BMC) da bigarren 6 segundora eta Chris Froome (Sky) hirugarren, 13 segundotra.

Asteartean bigarren etapa egingo da, 167,5 kilometrokoa, Creches sus Saone Chalmazel eta Jeansagniere artean.