Alex Aranburuk irabazi du Itzuliko 3. etapa, epaileek haren deskalifikazioa atzera botata
Alex Aranburu Cofidis taldeko euskal txirrindulariak irabazi du 2025eko Euskal Herriko Itzuliko hirugarren etapa, Beasainen, asteazkenean, eta Maximilian Schachmann Soudal Quick-Step taldeko ziklista alemaniarrak lasterketako sailkapen nagusiko lehen postuan jarraitzen du. Aranburuk, dena dela, garaipena errepidean ospatu badu ere, ez du hori baieztatuta izan arratsaldeko zazpi eta erdietara arte, gutxi gorabehera; izan ere, hasiera batean, epaileek deskalifikatu egin dute txirrindulari gipuzkoarra, eta Groupama-FDJ taldeko Romain Gregoire izendatu dute etapako garaile, frantziarra bigarren tokian helmugaratu baita. Bi orduz eztabaidatu dute, eta epaimahai teknikoak ebatzi du Alex Aranburu dela irabazlea.
Eztabaida azken kilometroan zegoen biribilgune batek sortu du; izan ere, Aranburuk, bere atzetik zihoazen aurkariek ez bezala, eskuinaldetik hartu du hori. Errepidean zeuden seinaleek eta ibilbide liburu ofizialak ez zuten bat egiten; testuinguru horretan, Cofidiseko euskal ziklistak egin du ibilbide liburuan zioena. Honela azaldu du Itzuliak, ofizialki, zer gertatu den: "Jasotako lehen irudien ostean, 51 dortsala", alegia, Alex Aranburu, "deskalifikatzeko erabakia hartu da, probaren ibilbidea desbideratzeagatik, horrela abantaila lortuz, irudiek, antza, txirrindulariak biribilgunea seinaleztatutako ibilbidetik desbideratzen zen modu batean hartu duela erakusten zutelako. Hala ere, zenbait proba jaso eta berrikusi ondoren (Velovieweren datuak, ibilbide liburua eta taldeak emandako informazioa barne), eta eskura zegoen informazio guztia berrikusi ondoren, Cofidis taldeko txirrindulariak biribilgunea aukeratutako lekutik hartu duela ikusi da".
"UCIren araudiko 1.2.064 artikuluaren arabera", jarraitu du Itzuliak, zabaldutako oharrean, "txirrindulariek ibilbidea aldez aurretik aztertu behar dute. Kasu honetan, txirrindulariak aurreikusitako ibilbidea zuzen jarraitu du. Gainera, txirrindulariak biribilgunetik irten ostean lortutako abantaila handitzen jarraitu da helmugara iritsi arte. Era berean, antolatzaileekin hitz egin da, eta biribilgune horren seinaleztapenean akats bat zegoela baieztatu da. Hori guztia dela eta, Epaimahai teknikoak hasierako erabakia bertan behera uztea erabaki du eta helmugako lerrotik txirrindulariaren pasea balioztatu da".
Etaparen nondik norakoak
Etapa amaitutakoan jazo denak bigarren mailan utzi du lasterketan ikusi duguna, baina hori ere ikusgarria izan da. Hasiera-hasieratik izan dira ihesaldi saiakerak, baina kosta egin da eguneko ihesaldia sortzea. Azkenean, txirrindulariak Andazarrate mendatea igotzen hasi direnean eratu da ihesaldia. Bruno Armirailek (Decathlon AG2R La Mondiale) eta Matteo Vercherrek (TotalEnergies) egin dute aurrera; hala ere, Alkiza igotzen hasi direnean Armirail bakarrik geratu da lasterketa buruan. Dena den, frantziarraren saiakera ezerezean geratu da helmugarako 75 kilometro falta zirenean.
Gero mugimenduak izan dira tropelean, eta sei txirrindulari hauexek zuloa ireki dute tropelarekiko: Joao Almeida (UAE Emirates-XRG), Brandon McNulty (UAE Emirates-XRG), Mattias Skjelmose (Lidl-Trek), Nelson Oliveira (Movistar), Enric Mas (Movistar) eta Harold Tejada (XDS-Astana). Gizon garrantzitsu eta izen handikoak egon dira seikotean; hori ikusita, tropelak ez die zuloa handitzen utzi.
Etapak ez du etenik izan, eta tropelak bat egin ostean, erasoak elkarren segidan heldu dira. Pello Bilbao (Bahrain Victorious) eta Ion Izagirre (Cofidis) atzean geratu dira, tropel nagusiaren erritmo biziari ezin eutsita. Aurrean, Marc Solerrek (UAE Emirates-XRG), Clement Berthetek (Decathlon AG2R La Mondiale) eta Rudy Molardek (Groupama-FDJ) erasoa jo dute, eta lasterketaren buruan jarri dira.
Gaintzan gora, Brethet bakarrik geratu da buruan, Soler eta Molard atzean utzita. Tropelean, Maximilian Scachmann (Soudal Quick Step) liderrak sufritu egin du, baina geroago hura izan da talde nagusia dantzan jarri duena, erasoa jota; ez du zulorik ireki, baina tropela txikitu du. Adibidez, Almeida atzean geratu da
Azken txanpan, Lazkaomendiko igoeran, Brethetenak egin du, eta faboritoen arteko lehia hasi da. Schachmann indartsu azaldu da, eta Alex Aranburuk ere saiakerak egin ditu.
Hamabi bat txirrindulari geratu dira lasterketaren buruan Lazkaomendi atzean utzita, helmugarako sei kilometro falta zirenean. Gero, Almeidak jo du erasoa, eta Aranburuk egin du bat berarekin; zulo txiki bat ireki dute, baina haiekin bat egin dute atzetik zetozen bost txirrindularik. Hala ere, Aranburu lasterketa buruan heldu da azken kilometrora. Atzetik, ez dira gai izan Ezkio-Itsasokoa harrapatzeko eta gipuzkoarra izan da lehena helmuga gurutzaten, Gregoireren eta Schachmannen aurretik.
Sailkapen nagusiari dagokionez, Schachmann da liderra, Almeida bigarrena bi segundora eta Florian Lipowitz (Red Bull-BORA-hansgrohe) hirugarrena liderrarekiko sei segundora.
ETAPAKO SAILKAPENA
SAILKAPEN NAGUSIA
Zure interesekoa izan daiteke
Igor Arrieta: “Banekien Laurance faboritoa zela, bukaeran justu samar ailegatu naiz”
UAEko txirrindulari nafarrak oso gutxigatik ez du irabazi du 2026ko Itzuliko hirugarren etapa, Basaurin, baina INEOSeko Axel Laurance azkarrago ibili da bien arteko esprintean; esprint hori erabakigarria izan da, eguneko garailea zehazteko.
Axel Lauranceren eta Igor Arrietaren arteko esprinta, Basaurin
INEOS taldeko txirrindulari bretoiak UAEko ziklista nafarra menderatu du, lasterketako hirugarren egunean, eta esprinta erabakigarria izan da. Laurancek eta Arrietak izan dute jokoan etapako garaipena, baina atzetik zetozkien gizonak ere hurbil izan dituzte, eta amaieran emozio handia izan da.
Axel Laurance bretainiarrak Igor Arrieta nafarra gainditu du azken metroetan eta etapa irabazi du, Basaurin
Isaac del Toro mexikarrak lasterketa utzi behar izan du, helmugatik 81 kilometrora erorikoa izan baitu, eta Mikel Landa arabarra ez irteen izan, atzoko erorikoaren ondorioz. Paul Seixasek (Decathlon) lider jarraitzen du.
Joxean Fernandez “Matxin” Basaurin omendu dute, 2026ko Itzuliaren hirugarren etapa hasi aurretik
UAE taldearen kirol zuzendaria Bizkaiko herri horretakoa da, eta etapa diseinatzen parte hartu du; lasterketa hasi baino lehen, omenaldia egin diote.
Isaac del Torok Itzulia utzi du, hirugarren etapan erorikoa izan eta gero
UAEko txirrindulari mexikarra helmugarako 81 kilometro gelditzen zirela jausi da. Hasiera batean, saiatu da lasterketan jarraitzen, baina, handik gutxira, taldearen autora igo da, eta proba utzi du.
2026ko Itzuliko 3. etapa: Basauri-Basauri (152,8 km)
Ikusi zuzenean Basaurin hasi eta Basaurin bertan amaituko den 2026ko Itzuliaren hirugarren etaparen emanaldia. 15:00etatik hasi eta 18:15era arte iraungo duen saioan, lasterketako hirugarren jardunaldiak emango dituen nondik norako guztien berri izango duzu.
Mikel Landak Itzulia utzi du
Murgiako txirrindulariak lasterketa utzi du, astearte honetako bigarren etapan, Aralarko San Migeleko jaitsieran, izandako erorikoaren ondorioz.
Matxin, hirugarren etaparen diseinatzailea: “Euskal Herriko errepideak dira, estuak"
"Lasterketa amaituko den kalean jaio nintzen, Baskoniaren futbol-zelaia zegoen tokian dago, aldapa gogorra da, baina ez erabakigarria, txirrindulari garrantzitsu batek irabaziko du", azaldu du UAE taldearen kirol arduradun basauritarrak.
2026ko Euskal Herriko Itzuliko 3. etaparen profila eta ibilbidea: Basauri-Basauri (152,8 km)
65. Euskal Herriko Itzuliko hirugarren egunean, txirrindulariek hiru mendate puntuagarri igo beharko dituzte, 2. mailako bi eta 3. mailako bat; antolatzaileen ustez, jardunaldi horretan, “baliteke urrunetik egindako erasoak izatea, sailkapen nagusia estu-estu izanez gero”.