2026ko Euskal Herriko Itzuliko 3. etaparen profila eta ibilbidea: Basauri-Basauri (152,8 km)
65. Euskal Herriko Itzuliko hirugarren egunean, txirrindulariek hiru mendate puntuagarri igo beharko dituzte, 2. mailako bi eta 3. mailako bat; antolatzaileen ustez, jardunaldi horretan, “baliteke urrunetik egindako erasoak izatea, sailkapen nagusia estu-estu izanez gero”.
2026ko Euskal Herriko Itzuliko hirugarren etapa apirilaren 8an jokatuko dute, asteazkenez, eta 152,8 kilometroko ibilbidea izango du. Jardunaldiak Basaurin izango du irteera, eta Bizkaiko udalerri horretan bertan ere helmuga, eta parte-hartzaileek hiru mendate puntuagarri igo beharko dituzte, horietako bi, 2. mailakoak. Antolatzaileen iritziz, lehiaketako hirugarren egun honetan baliteke “urrunetik egindako erasoak izatea, sailkapen nagusia estu-estu izanez gero; ez da etapa argi erabakigarria”, “baina bada arriskutsua gaizki kokatuta dauden txirrindularientzat eta talde indartsurik ez duten ziklistentzat”.
Etapa Basaurin hasiko da, 13:31ean, arestian esan bezala, eta, gerora, Itzulia Laudion eta Sodupen izango da; 51,8. kilometroan, Artziniegan izango da tropela, eta, hogeita hamar kilometro gehiago eginda, 81,3. kilometroan hain zuzen, Barrerillako mendate-pankarta izango da. Azken hori, Barrerilla, 2. mailakoa da, bost kilometroko igoera du eta, batez beste, % 6,6ko malda dauka. 91,1. kilometroan, Altubeko esprint berezia izango da jokoan, eta, jarraian, jaitsiera luzea egingo dute parte-hartzaileek, Bikosganarako igoera hasi aurretik; 2. mailako mendate horrek zortzi kilometro igoera ekarriko die Itzuliko ziklistei, eta batezbesteko malda % 4,9koa du. Pankarta etapako 120,8. kilometroan dauka.
Ia-ia jarraian, eguneko hirugarren eta azken mendate puntuagarriaren txanda izango da: 3. mailako Sarasola da hori. 133,5. kilometroan, Zubialden, bigarren esprint berezia izango da jokoan, eta bertatik helmugaraino hogei kilometro baino gutxiago geldituko dira; Basaurira iritsi aurretik, Itzulia Elexalde-Zaratamon izango da. Basaurin jakingo dugu, 17:19tik 17:42ra bitartean, zein txirrindularik bereganatzen duen hirugarren etapako garaipena, eta, noski, zeinek jantziko duen maillot horia gutxienez laugarren etapan. Biharamunean Basauritik gertu irtengo da, Galdakaotik, hain zuzen ere.
FITXA TEKNIKOA
Etapa: 3. etapa (apirilak 8).
Ibilbidea: Basauri-Basauri.
Distantzia: 152,8 kilometro.
Hasiera-ordua: 13:31
Amaiera-ordua: 17:19 (42 km/h) | 17:30 (40 km/h) | 17:42 (38 km/h).
Goranzko desnibel metatua: 2.824 metro.
Mendiko saria: Barrerilla (2. maila), 81,3. kilometroan; Bikosgana (2. maila), 120,8. kilometroan; Sarasola (3. maila), 128. kilometroan.
ETAPAKO PROFILA
ETAPAKO MAPA
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.