2025eko Euskal Herriko Itzuliko 3. etaparen profila, ibilbidea eta ordutegia: Zarautz-Beasain (156,3 km)
2025eko Euskal Herriko Itzuliaren hirugarren etapa apirilaren 9an jokatuko dute, asteazkenez. Gipuzkoan izango da etapa, osorik, Zarautzen hasita eta, 156,3 kilometro eginda, Beasainen amaituta. Itzuliaren antolatzaileen iritziz, 64. ekitaldiko "etapa nagusia" izan liteke, azkenarekin batera; izan ere, ibilbidean mendiko sailkapenerako zazpi mendate puntuagarri igo beharko dituzte txirrindulariek, eta horietako bat, Santa Ageda, 2. mailakoa izango da. Ziklistak 13:27an abiatuko dira, eta 17:18tik 17:42ra bitartean amaitu.
Ibilbidea oso gorabeheratsua izango da, hasieratik. Parte-hartzaileak, Zarautzetik irten ostean, Zumaian izango dira, eta 3. mailako Meagari egin beharko diote aurre, 16,1. kilometroan. 38,9. kilometroan, Aia atzean utzita, Andatzarrate dago, 3. mailakoa hori ere; Andatzarrate ez da gogorra, batez beste % 2,6ko malda baitauka, baina luze-luzea da, 13,9 kilometro dituelako.
Itzuliak, jarraian, Alkiza igoko du, 3. mailakoa hori ere, eta bertatik Santa Agedarantz egingo du. Santa Agedako pankarta lasterketako 68,8. kilometroan dago; aurtengo Itzulian, 2. mailako lehenengo mendatea da. % 6,9ko malda du, batez beste, eta igoera bederatzi kilometrokoa da.
Ziklistak Mandubian izango dira (azken hori ere 3. mailakoa da), eta gero Ormaiztegin, hau da, Jon eta Gorka Izagirreren sorterrian; zaleek ondo baino hobeto dakitenez, Gorka Izagirrek aurreko denboraldiaren amaieran utzi zion txirrindulari profesionala izateari. Ondoren, 111. kilometroan, etapako aurreneko esprint berezia izango da jokoan, Beasainen; hortxe bertan, 45 kilometroren buruan, amaitu egingo da etapa.
Esprint berezi horren ostean, Gaintza igoko dute. 3. mailako mendatea da, laburra, kontuan izanik 2,2 kilometro dituela, baina oso gogorra: batez beste, % 12,1eko malda dauka, baina % 20rainoko maldaren bat badu. Alegian jokatuko dute bigarren esprint berezia, Lazkaomendirako igoerari ekin aurretik. Gaintza bezala, Lazkaomendi 3. mailako mendatea da, laburra (1,4 kilometrokoa), baina biziki gogorra: batez beste, % 10eko malda du, eta zati batzuetan % 18rainoko malda ere badauka. Jardunaldiko zazpigarren eta azken mendatearen pankarta helmugarako bost kilometro eta erdira dago.
ETAPAKO PROFILA
FITXA TEKNIKOA
Etapa: 3. etapa (apirilak, 9)
Ibilbidea: Zarautz - Beasain
Distantzia: 156,3 km
Hasiera-ordua: 13:27
Amaiera-ordua: 17:42 (38 km/h) | 17:30 (40 km/h) | 17:18 (42 km/h)
Goranzko desnibel metatua: 3.035 metro
Mendiko saria: Meaga (3. mailakoa), 16,1. kilometroan; Andatzarrate (3. mailakoa), 38,9. kilometroan; Alkiza (3. mailakoa), 49,8. kilometroan; Santa Ageda (2. mailakoa), 68,8. kilometroan; Mandubia (3. mailakoa), 87,5. kilometroan; Gaintza (3. mailakoa), 119,4. kilometroan; Lazkaomendi (3. mailakoa), 150,9. kilometroan
Zure interesekoa izan daiteke
Euskal Herriko Itzuliko palmaresa eta ohorezko postuak
Lasterketako irabazle guztien zerrenda, 1924tik 2024ra. Alberto Contador eta Jose Antonio Gonzalez Linares dira Itzuli gehien irabazi dituzten txirrindulariak (4). Euskal ordezkariei dagokienez, Julian Gorospek bi garaipen ditu.
Ezin hobea izan da Joao Almeidaren lehen partaidetza Itzulian
Joao Almeida (UAE) txirrindulari portugaldarrak lehen aldiz lehiatu du Euskal Herriko Itzulia, eta txapela jantzita amaitu du podiumean. Hauek izan dira bere unerik onenak gure lasterketan.
Almeida: ''Egia esan, primeran egin dugu''
Joao Almeida (UAE Emirates) portugaldarrak irabazi du larunbat honetan 2025eko Itzulia Basque Country lasterketa, Eibarren hasi eta amaitu den seigarren eta azken etapa irabazita (adierazpenak gaztelaniaz).
Almeida: ''Oso pozik, ez naiz ondo sentitu, baina dena emanda irabaztea lortu dut'''
Joao Almeidak irabazi du 2025eko Itzuliko 4. etapa eta bera da lasterketako lider berria. Garaipena bereganatu ostean EITB Mediarekin hitz egin du Portugalgo txirrindulariak. (adierazpenak gaztelaniaz)
Izuako igoerako momentu onenak eta Itzuliaren 4. etapako azken kilometroa
2025eko Itzulia txanpa erabakigarrian sartu da, laugarren etapa atzean utzita. Bideo honetan dituzu ikusgai helmugatik 10 kilometrora kokatuta egon den Izuako igoerako mementu onenak eta etapako azken kilometroa.
Aranburu: ''Arratsalde txarra pasa genuen, pozik nago, baina arratsalde osoa izorratu zidaten''
Alex Aranburuk 2025ko Itzuliko 3. etapa irabazi zuen. Garaipena bereganatu zuen arren, epaileek deskalifikatu egin zuten, biribilgune bat okerreko lekutik hartu omen zuelako. Gero, ordea, epaileek erabakia zuzendu eta garaipena eman zioten Aranbururi.
Alex Aranburu Itzuliko podiumera igo da, 3. etapa irabazi eta hurrengo egunean
Alex Aranburu da 2025eko Itzuliko 3. etapako irabazlea. Hala ere, saria biharamunean jaso du. Lehena izan zen helmuga gurutzatzen, hasiera baten epaileek deskalifikatu egin zuten biribilgune bat ustez txarto hartzeagatik, baina, azkenean, berriz Aranbururi eman zioten garaipena.
Alex Aranburu nagusitu da Beasainen, Itzulian, hasiera batean deskalifikatu badute ere
Cofidiseko txirrindulari gipuzkoarrak eskuinaldetik hartu du biribilgune bat, aurkariek ez bezala, eta epaileek deskalifikatzea erabaki dute. Azkenean, baina, ebatzi dute berea dela garaipena. Sailkapen nagusian, Schachmannek lider jarraitzen du.
Senideek Alex Aranburu zoriondu dute, Beasaingo etapa irabazi duela baieztatutakoan
Cofidiseko txirrindulari gipuzkoarra lehen postuan helmugaratu da, baina, minutu batzuen buruan, deskalifikatu egin dute, hasieran; epaileek, baina, atzera bota dute erabaki hori, eta Ezkio-Itsasoko ziklista da etapako irabazlea.
Gregoire, hirugarren etapako irabazle bi orduz
Groupama taldeko txirrindulari frantziarra bigarren izan da Beasaingo helmugan. Hala ere, Alex Aranburu behin-behinean deskalifikatu dute, eta hasiera batean garaipena eman dio.