Paul Seixas izar gazteak beste erakustaldi bat eman du, bigarren etapan garaipena lortu eta lidergoa sendotuta
Tropelak, Paul Seixas (Decathlon) liderraren taldeak gidatuta, sei txirrindularik osatutako eguneko ihesaldia kontrolpean izan du. Liderrak berak jo du erasoa Aralarko San Migel mendatean, eta ihes egindako txirrindulariak atzean utzi ditu, helmugatik 25 kilometrora.
Paul Seixas liderra, helmugan. Argazkia: EFE
Paul Seixas (Decathlon) Itzuliko liderrak irabazi du Mendukilloko (Nafarroa) kobazuloetan amaitu den lasterketako bigarren etapa. Bilboko erlojupekoan garaipena lortu ondoren, 19 urte baino ez dituen Frantziako izarrak erakustaldia eman du berriro, bigarren etapa jarraian irabazi eta lidergoa sendotuta.
Eguneko ihesaldia sei txirrindularik osatu dute, ia irteeratik, bigarren kilometroan: Ethan Hayter britainiarrak (Soudal Quick-Step), Raul Garcia Pierna madrildarrak (Movistar Team), Frank Van de Broek nederlandarrak (Team Picnic PostNL), Joan Bou valentziarrak (Caja Rural - Seguros RGA), Iker Mintegi nafarrak (Euskaltel - Euskadi) eta Bruno Armirail frantziarrak (Team Visma | Lease a Bike).
Tropelak, Decathlon taldearen gidaritzapean, ihesaldia kontrolpean izan du une oro, eta Paul Seixas liderraren erasoa prestatu du. Frantziako txirrindulari gazteak Aralarko San Migelera gora zihoala jo du erasoa, eta ezerezean utzi du eguneko ihesaldia, helmugatik 25 kilometrora.
Hala, Aralarko San Migel gailurretik 6,5 kilometrora, helmugatik 27 kilometrora, abiatu da erakustaldi handia. 03:11:48ko denbora egin du helmugan Seixasek, 39.3 kilometro orduko batez besteko abiaduran.
Frantziarrak 01:25 minutuko aldea atera dio Izagirre, Skjelmose, Uitjdebroeks, Lipowitz eta Budin txirrindulariek osatutako taldetxoari.
Bestalde, Mikel Landak erorikoa izan du Aralarko San Migeleko jaitsieran. Hala ere, Murgiako txirrindulariak gaurko etapa amaitzea lortu du.
Paul Seixas, Itzuliko liderra
Nola egiten duzun ez dakizun egun horietako bat izan da
"Esango nuke hori zela egitasmoa, agian gehiegizkoa izan da hain goiz erasotzea, agian nahi baino lehenago eraso egin dut, baina horrela sentitu eta egin dut. Bizpahiru minutura damutu egin zait, baina ez nuen beste aukerarik, eta aurrera egin dut, amaierara arte", adierazi du Seixasek, helmugan.
"Plana nire kasa alde egitea zen, edo aurkari batzuekin batera. Hankek erantzun bikaina eman didate; gainera, taldeak ederto lan egin du. Nire taldekide guztiek gogotik egin dute behar gaur, tropelaren burua gidatzen; indar gehiago eman didate, besterik ez", azaldu du 19 urteko txirrindulariak.
Seixasek 2014ko Espainiako Vueltan Fabio Aruk Aralarko San Migelen egin zuen marka baino bi minutu hobeto helmugaratu da gaur. Bere estrategiari buruz zintzo mintzatu da frantziarra: "Nola egiten duzun ez dakizun egun horietako bat izan da".
Itzuliko liderra etapa hasi baino lehen ere izan da eguneko pasadizoaren protagonista, Iruñeko irteeran aurreikusitakoa baino sei minutu beranduago agertu baita, eta horrek 13:03rako aurreikusita zegoen bigarren etaparen hasiera atzeratu du.
Asteazken honetan, Basaurin (Bizkaia) hasi eta amaituko den hirugarren 152,8 kilometroko etapa jokatuko da.
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
ZUZENEAN: 2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.