Mikel Landa ez da 2026ko Italiako Giroan arituko
Soudal Quick-Step taldeak iragarri duenez, euskal txirrindulariak haustura txikia du pelbisean, Itzulian izandako erorikoaren ondorioz. Giroa maiatzaren 8an hasiko da, eta UAEko Joao Almeida ere ez da lasterketan izango.
Mikel Landak ez du Italiako Giroa jokatuko. Argazkia: Europa Press.
Soudal Quick-Step taldeko Mikel Landa euskal txirrindularia ez da 2026ko Italiako Giroan arituko, astelehenean Belgikako taldeak iragarri duenez. Landak haustura txikia du pelbisean, Itzulian izandako erorikoaren ondorioz, eta atseden eta sendatze epe bat behar du; hortaz, ezingo du lasterketa jokatu. UAEko Joao Almeida ziklista portugaldarrak ere ez du Italiako Giroan parte hartuko.
Testuinguru horretan, Soudal Quick-Stepek gogora ekarri du nola Landa, neguan, gaixotasun batengatik, aurreikusita baino beranduago hasi zela lehiatzen, Kataluniako Itzulian. Euskal Herriko Itzulian, bigarren etapan, erorikoa izan zuen, eta hurrengo egunean lasterketa utzi zuen; mediku azterketek zehaztu dute haustura duela pelbisean: “Hasiera batean, lesioa nolakoa den kontuan izanik, ez zitzaion antzeman lesioa; sendatzen hasi da, baina sendatze epe luzeagoa behar du”.
Murgiarrak, taldearen web orriak jasotako adierazpenetan, nabarmendu du “atsekabetuta” dagoela, “neguan gogotik lan egin bainuen”: “Itzulian, berriro ere, ondo sentitzen hasia nintzen. Erorikoaren ostean, mina nuen, baina, hausturaren motagatik, zaila zen hori identifikatzea; orain, sendatzea da nire helburu bakarra”.
“Pena da Italiako Giroa galtzea, bereziki motibazio handia nuelako, 2025ean zer gertatu zen kontuan izanda; orain, baina, lehentasuna da berriro ondo egotea, eta helburu berriak izango dira denboraldian”.
Halaber, UAEko Joao Almeidak, alegia, maiatzaren 8an hasiko den 2026ko Italiako Girorako faborito nagusietako batek, iragarri du bera ez dela proban izango: “Tamalez, ez naiz Italiako Giroan arituko, aurreikuspena hori jokatzea zen arren. Azken hilabeteotan, gaixotasuna izan dut, eta horrek eragin handia izan du nire prestaketan; ez naiz garaiz prest izango, eta deitoratzen dut, asko maite dudan lasterketa baita”, adierazi du Almeidak, Instagrameko bere kontuan.
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.