Volleringek Tourra astindu du, maillot horia eman dion bakarkako garaipenarekin

Demi Vollering (FDJ-Suez) herbeheretarrak irabazi du emakumezkoen Frantziako Tourreko 8. etapa, 171,9 kilometrokoa, Sisteron eta Niza artekoa, Kasia Niewiadomari (CANYON) maillot horia kentzeko balio izan dion bakarkako erasoa jo ostean.

Ia 30 kilometroren ostean, Loes Adegeestek (Lidl-Trek) eta Maeva Squibanek (UAE) lehen hutsune esanguratsua ireki dute. 6 minututik gorako aldea izan dute, baina helmugarako 9 kilometro falta zirenean Squibanen erorikoak pelotoiak lehenago harrapatzea eragin du.

Eguneko azken mendate puntuagarria igo ondoren, Demi Volleringek igoera labur baina gogorra aukeratu du erasoa jotzeko. Elisa Longo Borghinik (UAE) eta Kasia Niewiadomak (CANYON) jarraitu diote, baina bigarren eraso gogor bat jota utzi ditu atzean eta bakarrik egin du aurrera, helmugan 17 segundoko aldea lortzeko.

Pauline Ferrand-Prévôt frantziarra ezin izan da titulua eskuratzeko borrokatu, arazo fisikoak izan dituenez ezin izan baita zortzigarren eta azken-aurreko etapan aritu, Vismak adierazi duenez.

34 urteko txirrindulari beteranoak ez du iazko maila erakutsi aurten, eta lasterketa amaitzeko bi etapa falta zirenean, 14. postuan zegoen, lehen sailkatutik 14 minutura.

Ferrand-Prevotek aurreko jardunaldiaren amaieran aitortu zuen ez zegoela egoera onenean.