Pogacarrek, bere enegarren maisulanean, Tourra ia erabakita utzi du Tourmaleten eta Gavarnien
Esloveniako izarrak erasoa jo du Tourmaleteko igoeran, Isaac del Toro taldekidearekin batera, eta laster bakarrik joan da helmugaren bila. Vingegaardek, Evenepoelek eta Seixasek ezin izan dute Pogacarren gurpila jarraitu.
Tadej Pogacar (UAE), helmugan. Argazkia: EFE
Tadej Pocagarrek (UAE) lasterketa txikitu du ostegun honetan Frantziako Tourreko seigarren etapan, Pau eta Gavarnie-Gedre artean (186 kilometro).
UAE taldeko liderrak ia erabakita utzi du Tourra. Esloveniako izarrak erasoa jo du Tourmaleteko igoeran, Isaac del Toro taldekidearekin batera, eta laster bakarrik joan da helmugaren bila. Vingegaardek, Evenepoelek eta Seixasek ezin izan dute Pogacarren gurpila jarraitu.
Orain arteko liderra, Torstein Traeen norvegiarra, hondoratu egin da esloveniarraren erasoaren ostean, eta, gainera, erorikoa izan du Tourmaleteko jaitsieran. Traeenek bere aurrean zihoan taldekide baten atzeko gurpilarekin jo du, eta lurrera joan da. Lasterketan jarraitu ahal izan du, baina denbora asko galdu du helmugan. Bestalde, Cian Uijtdebroeksek (Movistar) lasterketa utzi behar izan du, arazo fisiko ugari izan ondoren.
Horrela, helmugarako 43 kilometro falta zirenean erasoa jo ondoren, Pogacarrek 23. garaipena lortu du Frantziako Itzulian, bigarrena edizio honetan, eta liderraren maillot horia jantzi du.
Esloveniarrak Tourrean egin duen ihesaldirik luzeena izan da, eta 2:40an urrundu du Jonas Vingegaard danimarkarra, eta 3 minutu pasatxoan gainerako faboritoen taldea: Isaac del Toro mexikarra, Remco Evenepoel belgikarra, Paul Seixas frantziarra, Juan Ayuso espainiarra eta Florian Lipowitz alemaniarra.
Pogacarrek 2:42ko abantaila du orain Vingegaardekin eta 3:27koa Del Toro taldekidearekin. Azken honek, gainera, gazte onenaren maillot zuria jantzi du gaur.
Remco Evenepoel belgikarra laugarren jarri da lidergotik 3:30era, Ayuso espainiarraren aurretik (4 segundo gehiago). Seigarrena, berriz, Paul Seixas frantziarra da (19 urte), 3:55era.
Tadej Pogacar, etapa irabazlea eta lider berria
Ez genuen maillot horia nahi, lasterketa lehertu besterik ez
"Motibazio handia genuen etapa honekin, talde osoak goizean, gosarian, esan du, eta ni goizeko 7etan esnatu naiz, oso urduri, eta lasterketa txikitu behar genuela esan diot nire amari. Baina ez genuen abantaila handia lortzea espero, eta liderra erori egin da eta horregatik galdu du maillot horia", azpimarratu du Pogacarrek helmugan.
"Gustatuko litzaidake mantendu izan balu, pena izan da erori izana, eta espero dut sendatzea eta Tourra amaitzea", esan du esloveniarrak Torstein Traen norvegiarrari buruz.
"Ez nuen espero hainbesteko alderik aterako genuenik, dena uztea zen plana, eta gertatu beharrekoa gertatzea. Leher gintezkeen, baina ondo atera zaigu, taldeak lan bikaina egin du", gaineratu du Pogacarrek.
Zure interesekoa izan daiteke
Mauro Gianetti: "Aspin eta Tourmaleten erritmo oso altua ezartzea zen asmoa, Pogacarrek erasoa jo zezan"
Mauro Gianetti, UAE Team Emirates taldeko Team Principalak, Frantziako Tourreko seigarren etapa aztertu du. Suitzarra oso pozik agertu da bere taldearen lanarekin: "Taldea sekulakoa izan da, Matxinek lan bikaina egin du planarekin". Pogacarrekin sailkapen nagusian alde handia lortu duten arren, ez du uste Tourra erabakita dagoenik: "Oraindik asko geratzen da", ohartarazi du.
Pogacar garaile, sekulako indar erakustaldia eginda
Tadej Pogacarrek irabazi du Frantziako Tourreko seigarren etapa. Esloveniarrak erasoa jo du helmugatik 42 kilometrora eta bakarrik joan da hortik eta helmugaratu den arte. Vingegaard iritsi da bigarren, eta Del Torok hartu du hirugarren lekua.
Tadej Pogacarren erasoa Tourmaleten, helmugarako oraindik 42 kilometro gelditzen zirela
UAE taldeko txirrindulari esloveniarrak, beste behin, erakutsi du Tourreko indartsuena dela. Tourmaleten, lehenik, Del Toro taldekidearekin nabarmendu da, gainerako faboritoak atzean utzita, eta berehala gelditu da bakarka, lasterketa buruan.
Traeen liderrak Tourmaleten izandako erorikoa
Torstein Traeen liderrak erorikoa izan du Frantziako Tourreko seigarren etapan. Bihurgunean taldekidea itxi eta norvegiarra tartean sartu zaio, atzean jarraitu behar zuenean.
Euskal zaleak, Tourmaleten protagonistak: “Hiru gauza daude bizitzan: osasuna, dirua eta Tourra”
Seigarren etapan, Frantziako Tourra Pirinioetako mendate mitikoan dabil, eta, ohi bezala, milaka zale dabiltza txirrindularien zain; hainbat eta hainbat Euskal Herritik iritsi dira.
2026ko Frantziako Tourraren 16. etaparen ibilbidea, profila eta ordutegia: Evian-les-Bains-Thonon-les-Bains (26,1 km, banakako erlojupekoa)
Igoera, jaitsiera eta ordeka tarteak konbinatzen dituen banakako erlojupekoa da, eta, ziurrenik, Leman aintziraren eta inguruko mendien artean ikuskizun zirraragarria eskainiko du. Ibilbideak 500 metroko desnibel positiboa du. Txirrindulariek Cote de Larringes, bigarren mailako mendatea, gainditu beharko dute.
Caja Ruraleko Alex Molenaarrek ez du Tourreko seigarren etapan parte hartuko
Herbeeretako txirrindulariak haustura du eskuin eskuko lehen metakarpianoan, asteazkenean Pauen amaitu zen bosgarren etapako azken 5 kilometroetako pankartaren aurretik izan zuen erorikoak eraginda. Talde berdeko txirrindularia merezimenduzko debuta egiten ari zen Frantziako Tourrean, eta mendiko liderraren elastikoa janztea ere lortu zuen asteartean.
2026ko Frantziako Tourreko 9. etaparen ibilbidea, profila eta ordutegia: Malemort-Ussel (185,5 km)
113. Frantziako Tourreko lehenengo atseden egunaren bezperan, parte-hartzaileek mendi ertaineko etapa izango dute aurretik; izan ere, lau mendate puntuagarri gainditu beharko dituzte.
2026ko Frantziako Tourreko 15. etaparen ibilbidea, profila eta ordutegia: Champagnole-Plateau de Solaison (183,9 km)
Tourreko bigarren eta azken atseden egunaren aurreko egunean, etapa maila bereziko mendate batean amaituko da; beraz, aurreikuspena da sailkapen nagusirako lehian dauden txirrindularien arteko borroka izatea.