2026ko Frantziako Tourraren 16. etaparen ibilbidea, profila eta ordutegia: Evian-les-Bains-Thonon-les-Bains (26,1 km, banakako erlojupekoa)
Igoera, jaitsiera eta ordeka tarteak konbinatzen dituen banakako erlojupekoa da, eta, ziurrenik, Leman aintziraren eta inguruko mendien artean ikuskizun zirraragarria eskainiko du. Ibilbideak 500 metroko desnibel positiboa du. Txirrindulariek Cote de Larringes, bigarren mailako mendatea, gainditu beharko dute.
Irudia: EITB.
Evian-les-Bains eta Thonon-les-Bains artean jokatuko da Frantziako Tourraren 113. edizioko hamaseigarren etapa. Banakako erlojupeko konplexua da, 26,1 kilometrokoa. Lehen txirrindularia 13:00etan abiatuko da erlojuaren aurkako borrokan, eta azkenak, une horretako maillot horiak, 17:50ak aldera zeharkatuko du helmuga.
Evian-les-Bains eta Chablais eskualdeko hiriburua lotuko dituen erlojupeko honek Leman lakuko bazterrak eta Thonon-les-Bainsen bihotza erakutsiko ditu. Thonon-les-Bainsek hamargarren aldiz hartuko du Tourreko etapa bat, eta ibilbide luzea du Grand Bouclen. Etapa honek, igoera, jaitsiera eta ordeka tarteak konbinatzen dituen profil orekatu batean, eta, ziurrenik, aintziraren eta inguruko mendien artean ikuskizun zirraragarria eskainiko du.
Txirrindulariek osatu beharreko ibilbideak 500 metroko desnibel positiboa du, beraz, ez da erlojupeko laua. Ziklistek Cote de Larringes, bigarren mailako mendatea (9,7 km % 4,3ra), etapako 9,7. kilometroan gainditu beharko dute. Igoera horrek txirrindulari bat baino gehiago estutasunean jar dezake, eta espezialistaren batek etapa bertan galtzea gerta daiteke.
Tarteko denbora-erreferentziak ezartzeko tokiak 4,8 kilometroan, Cote de Larringes mendatearen gailurrean eta 18,1 kilometroan egongo dira, baita helmugan ere, noski, azken marrak emango baitu epaia.
Fitxa teknikoa
Etapa: 16. etapa (uztailak 21, asteartea)
Ibilbidea: Evian Les Bains-Thonon Les Bains
Distantzia: 26,1 km
Hasiera-ordua: 13:00, lehen txirrindularia; 17:15, azken txirrindularia
Amaiera-ordua: 13:35, lehen txirrindularia; 17:50, azken txirrindularia
Mendiko saria: Cote de Larringes (2.maila), 9,7. kilometroan
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.