2026ko Frantziako Tourreko 9. etaparen ibilbidea, profila eta ordutegia: Malemort-Ussel (185,5 km)
113. Frantziako Tourreko lehenengo atseden egunaren bezperan, parte-hartzaileek mendi ertaineko etapa izango dute aurretik; izan ere, lau mendate puntuagarri gainditu beharko dituzte.
Irudia: EITB.
2026ko Frantziako Tourrak, uztailaren 12an, igandez, bederatzigarren etapa izango du jokoan. Mendi ertaineko jardunaldia izango da; guztira, txirrindulariek 185,5 kilometroko ibilbidea egin beharko dute, Malemortetik Usseleraino. Antolatzaileek erabaki dute lasterketa 13:35ean hasiko dela, eta aurreikuspena da 17:47tik 18:10era bitartean amaitzea. Guztira, ziklistek lau mendate puntuagarri igo beharko dituzte; bigarren mailako bat, hirugarren mailako bi, eta beste bat laugarren mailakoa.
Lehenik, Frantziako Tourreko txirrindulariek Cote de Naves igo beharko dute; hirugarren mailako mendatea da, 2,3 kilometrokoa, eta, batezbeste, % 7,4ko malda du. Hori etapako 77. kilometroan izango da; bigarren mailako Suc au May, ordea, 105.ean dago, eta % 7,7ko malda du bere 3,8 kilometroetan.
129,4. kilometroan, hirugarren mailako Cote de la Croix du Pey geldituko da atzean (4,8 kilometro ditu, % 6an); eta eguneko azken mendatea laugarren mailako Mont Bessou izango da, amaierarako hogei kilometro baino gutxiago geldituko direnean. 900 metroko malda da, % 7,3an, alegia, oso egokia erasoa egin eta aurrera egiteko, horretarako ausardia eta indarra izatekotan.
EITBk, kirolakeitb.eus-en bidez (14:35etik aurrera) eta ETB1en bitartez ere (15:00etatik), zuzenean emango du bederatzigarren etapa hau. Nabarmentzeko modukoa da nola biharamunean txirrindulariek atseden eguna izango duten, 113. ekitaldiko lehenengoa.
Fitxa teknikoa
Etapa: 9. etapa (uztailak 12, igandea)
Ibilbidea: Malemort - Ussel
Distantzia: 185,5 km
Hasiera-ordua: 13:45
Amaiera-ordua: 17:47 (46 km/h) | 17:58 (44 km/h) | 18:10 (42 km/h)
Mendiko saria: Côte de Naves (3. maila), 77. kilometroan; Suc au May (2. maila), 105.kilometroan; Côte de la Croix du Pey (3. maila), 129,4. kilometroan; Mont Bessou (4. maila), 161.kilometroan
Zure interesekoa izan daiteke
Frantziako Tourreko zortzigarren etapako azken kilometroa
Talde nagusia bat eginda iritsi da azken kilometroetara, aurretik izandako ihesaldiak kontrolatu ostean. Azken metroetan, Tim Merlier izan da azkarrena, ekitaldi honetako bigarren etapa jarraian irabazita.
Merlierrek bere nagusitasuna berretsi du esprintean, Frantziako Tourrean bigarren garaipena jarraian lortuta
Tim Merlier belgikarrak Tourreko zortzigarren etapa irabazi du larunbat honetan Bergeracen, bigarren garaipena jarraian eskuratuz, eta lasterketako esprinterrik indartsuenetakoa dela berretsiz. Sailkapen nagusiak ez du aldaketarik izan, Tadej Pogacarrek lidergoari eutsi baitio.
Azparren: “Azkar joan gara eta bukaeran tentsio asko izan da"
Xabier Mikel Azparren (Pinarello Q36.5) txirrindulari donostiarrak Frantziako Tourreko zazpigarren etaparen balorazioa egin du. Etapa lasaia baina azkarra izan dela nabarmendu du, beste behin beroak eraginda, eta aurreko etapan euskaldunengandik jasotako babesa goraipatu du.
Frantziako Tourreko zazpigarren etapako azken kilometroa
Tim Merlier belgikarra izan da indartsuena Frantziako Tourreko zazpigarren etapan, Soren Waerenskjold norvegiarraren eta Biniam Girmai eritrearraren aurretik. 33 urteko txirrindulariak bi etapa irabazi zituen iaz, beste bat 2021ean, eta hirugarrena "sprintean" irabazi du, sailkapen nagusian aldaketarik izan ez den etapan. Tadej Pogacar esloveniarrak jarraitzen baitu lider.
Tim Merlierrek bere boterea erakutsi du Bordelen
Soudal Quick-Step taldeko txirrindulari belgikarra azkarrena izan da esprintean ardoaren hirian amaitzen zen zazpigarren etapan. Soren Waerenskjold norvegiarra izan da (Uno-X Mobility) bigarrena eta Biniam Girmai eritrearra (NSN Cycling Team), hirugarrena. Sailkapen nagusian ez da aldaketarik egon, eta Tadej Pogacar (UAE Team Emirates-XRG) esloveniarrak jarraitzen du lidergoan.
2026ko Frantziako Tourreko 20. etaparen profila, ibilbidea eta ordutegia: Le Bourg d’Oisans-Alpe d’Huez (170,9 km)
Lasterketako hogeigarren etapa, uztailaren 25ean, larunbatean, jokatuko dena, Frantziako Tourraren 113. edizio honetako etaparik desiratuenetako bat da. Alpe d’Huez mitikoan amaitzen da, eta Frantziako Tourra irabazteko azken aukera da.
2026ko Frantziako Tourreko 19. etaparen ibilbidea, profila eta ordutegia: Gap-Alpe d’Huez (127,9 km)
Frantziako lasterketaren hemeretzigarren etapak lau mendate puntuagarri ditu, baina aipamen berezia merezi duena Alpe d’Huez mitikoa da. Bertan amaitzen da etapa.
Ion Izagirre: “Ikaragarria izan da, ez dut sekula mendate bat irribarrea ahoan nuela igo, gaur bezala"
Cofidiseko txirrindulari ormaiztegiarrak onartu duenez, "alde batetik, pena sentitu dut, ihesaldirik ez delako osatu, eta gustatuko litzaidake ihesaldia hartu eta mendateetan, behintzat, aurrealdean pasa, baina oso azkar joan da hasieratik". "Saiatu naiz aurrekoekin egoten, baina ezin izan dut", erantsi du.
Mauro Gianetti: “Aspin eta Tourmaleten erritmo oso altua ezartzea zen asmoa, Pogacarrek erasoa jo zezan"
Mauro Gianetti, UAE Team Emirates taldeko Team Principalak, Frantziako Tourreko seigarren etapa aztertu du. Suitzarra oso pozik agertu da bere taldearen lanarekin: "Taldea sekulakoa izan da, Matxinek lan bikaina egin du planarekin". Pogacarrekin sailkapen nagusian alde handia lortu duten arren, ez du uste Tourra erabakita dagoenik: "Oraindik asko geratzen da", ohartarazi du.
Pogacar garaile, sekulako indar erakustaldia eginda
Tadej Pogacarrek irabazi du Frantziako Tourreko seigarren etapa. Esloveniarrak erasoa jo du helmugatik 42 kilometrora eta bakarrik joan da hortik eta helmugaratu den arte. Vingegaard iritsi da bigarren, eta Del Torok hartu du hirugarren lekua.