2026ko Frantziako Tourreko 15. etaparen ibilbidea, profila eta ordutegia: Champagnole-Plateau de Solaison (183,9 km)
Tourreko bigarren eta azken atseden egunaren aurreko egunean, etapa maila bereziko mendate batean amaituko da; beraz, aurreikuspena da sailkapen nagusirako lehian dauden txirrindularien arteko borroka izatea.
2026ko Frantziako Tourraren 15. etapa uztailaren 19an, igandean, jokatuko da. Mendiko etapa izango da, 183,9 km-koa, Champagnolen hasi eta Plateau de Solaisonen amaituko dena. Txirrindulariak 10:55ak aldera irtengo dira eta azkenak 13:20ak aldera helmugan sartzea espero da. EITBren zuzeneko emanaldia 14:15ean hasiko da kirolakeitb.eus atarian, eta ETB1ek 15:00etatik aurrera egingo du bat emanaldiarekin.
Aurreko jardunaldi gogorraren ondoren, txirrindulariek azken ahalegina egin beharko dute azken atseden egunera iritsi aurretik; izan ere, lasterketa hasi eta gutxira, 17. kilometroan, pedalei gogor eragin beharko diete Saint-Laurent-en-Grandvauxeko esprint berezian.
Hortik, eguneko lehen mendatera joango dira, Roussesera, 6,6 km-ko igoerarekin eta % 5,1eko maldarekin. Ondoren, 100 kilometro egingo dituzte, zailtasun handirik gabe. Benetako borroka Saleverako igoeran hasiko da, Col de la Croissete (1. maila) mendatetik. 4,8 km izango dira, % 11,2ko maldarekin. Jaitsiera hasi ondoren, Mont mendatea oztopo txikia izango da, baina Solaison ordokiko azken probaren atarikoa izango da. Maila bereziko mendateak 11,3 km-ko luzera eta % 9,1eko malda ditu, eta faboritoen erresistentzia proban jarriko du etapako irabazlea aukeratzeko.
Mendiko etapa garrantzitsua izango da, maillot horia irabazteko hautagaiak erabakiko dituena.
Fitxa teknikoa
Etapa: 15. etapa (uztailak 19, igandea)
Ibilbidea: Champagnole-Plateau de Solaison
Distantzia: 183,9 km
Hasiera-ordua: 13:20
Amaiera-ordua: 17:41 (42 km/h) | 17:55 (40 km/h) | 18:11 (38 km/h)
Mendiko saria: Cote des Rousses (3. maila), 36,8. kilometroan; Col de la Croisette (1. maila), 136. kilometroan; Cote du Mont (3. maila), 146. kilometroan; Plateau de Solaison (Maila Berezia), 183,9 kilometroan
Zure interesekoa izan daiteke
Frantziako Tourreko zortzigarren etapako azken kilometroa
Talde nagusia bat eginda iritsi da azken kilometroetara, aurretik izandako ihesaldiak kontrolatu ostean. Azken metroetan, Tim Merlier izan da azkarrena, ekitaldi honetako bigarren etapa jarraian irabazita.
Merlierrek bere nagusitasuna berretsi du esprintean, Frantziako Tourrean bigarren garaipena jarraian lortuta
Tim Merlier belgikarrak Tourreko zortzigarren etapa irabazi du larunbat honetan Bergeracen, bigarren garaipena jarraian eskuratuz, eta lasterketako esprinterrik indartsuenetakoa dela berretsiz. Sailkapen nagusiak ez du aldaketarik izan, Tadej Pogacarrek lidergoari eutsi baitio.
Azparren: “Azkar joan gara eta bukaeran tentsio asko izan da"
Xabier Mikel Azparren (Pinarello Q36.5) txirrindulari donostiarrak Frantziako Tourreko zazpigarren etaparen balorazioa egin du. Etapa lasaia baina azkarra izan dela nabarmendu du, beste behin beroak eraginda, eta aurreko etapan euskaldunengandik jasotako babesa goraipatu du.
Frantziako Tourreko zazpigarren etapako azken kilometroa
Tim Merlier belgikarra izan da indartsuena Frantziako Tourreko zazpigarren etapan, Soren Waerenskjold norvegiarraren eta Biniam Girmai eritrearraren aurretik. 33 urteko txirrindulariak bi etapa irabazi zituen iaz, beste bat 2021ean, eta hirugarrena "sprintean" irabazi du, sailkapen nagusian aldaketarik izan ez den etapan. Tadej Pogacar esloveniarrak jarraitzen baitu lider.
Tim Merlierrek bere boterea erakutsi du Bordelen
Soudal Quick-Step taldeko txirrindulari belgikarra azkarrena izan da esprintean ardoaren hirian amaitzen zen zazpigarren etapan. Soren Waerenskjold norvegiarra izan da (Uno-X Mobility) bigarrena eta Biniam Girmai eritrearra (NSN Cycling Team), hirugarrena. Sailkapen nagusian ez da aldaketarik egon, eta Tadej Pogacar (UAE Team Emirates-XRG) esloveniarrak jarraitzen du lidergoan.
2026ko Frantziako Tourreko 20. etaparen profila, ibilbidea eta ordutegia: Le Bourg d’Oisans-Alpe d’Huez (170,9 km)
Lasterketako hogeigarren etapa, uztailaren 25ean, larunbatean, jokatuko dena, Frantziako Tourraren 113. edizio honetako etaparik desiratuenetako bat da. Alpe d’Huez mitikoan amaitzen da, eta Frantziako Tourra irabazteko azken aukera da.
2026ko Frantziako Tourreko 19. etaparen ibilbidea, profila eta ordutegia: Gap-Alpe d’Huez (127,9 km)
Frantziako lasterketaren hemeretzigarren etapak lau mendate puntuagarri ditu, baina aipamen berezia merezi duena Alpe d’Huez mitikoa da. Bertan amaitzen da etapa.
Ion Izagirre: “Ikaragarria izan da, ez dut sekula mendate bat irribarrea ahoan nuela igo, gaur bezala"
Cofidiseko txirrindulari ormaiztegiarrak onartu duenez, "alde batetik, pena sentitu dut, ihesaldirik ez delako osatu, eta gustatuko litzaidake ihesaldia hartu eta mendateetan, behintzat, aurrealdean pasa, baina oso azkar joan da hasieratik". "Saiatu naiz aurrekoekin egoten, baina ezin izan dut", erantsi du.
Mauro Gianetti: “Aspin eta Tourmaleten erritmo oso altua ezartzea zen asmoa, Pogacarrek erasoa jo zezan"
Mauro Gianetti, UAE Team Emirates taldeko Team Principalak, Frantziako Tourreko seigarren etapa aztertu du. Suitzarra oso pozik agertu da bere taldearen lanarekin: "Taldea sekulakoa izan da, Matxinek lan bikaina egin du planarekin". Pogacarrekin sailkapen nagusian alde handia lortu duten arren, ez du uste Tourra erabakita dagoenik: "Oraindik asko geratzen da", ohartarazi du.
Pogacar garaile, sekulako indar erakustaldia eginda
Tadej Pogacarrek irabazi du Frantziako Tourreko seigarren etapa. Esloveniarrak erasoa jo du helmugatik 42 kilometrora eta bakarrik joan da hortik eta helmugaratu den arte. Vingegaard iritsi da bigarren, eta Del Torok hartu du hirugarren lekua.