Maeva Squibanek bigarrenez jarraian irabazi du Frantziako Tourrean
Maeva Squiban (UAE Team ADQ) txirrindulari frantziarrak irabazi du Chambéryn bukatu den Frantziako Tourreko zazpigarren etapa (159,7 km) eta, horrenbestez, bigarren garaipena lortu du jarraian, atzokoan ere bera gailendu baitzen.
23 urteko txirrindularia hainbat eraso jo ditu Granier mendatean gora, eta, azkenean, helmugatik 20 bat kilometrora, tropela atzean uztea lortu du.
Jaitsiera ikusgarria egin ostean, aldeari eusteko gai izan da, eta bigarren egunez segidan, indar erakustaldia eginda eta bakarka helmugaratu da. Ia minutu batera sartu dira Cedrine Kerbaol (EF Education-Oatly) frantziarra eta Ruth Edwards (Human Powered Health) estatubatuarra, bigarren eta hirugarren, hurrenez hurren.
Kimberley Le Court-Pienaar Maurizioko txirrindulariak lidertzan jarraitzen du, Tourra bukatzeko bi jardunaldiren faltan, baina sailkapen nagusia oso estu dago: Pauline Ferrand-Prevot (Team Visma) frantziarra da bigarrena, 26 segundora; eta Katarzyna Niewiadoma (Canyon/SRAM) poloniarra, berriz, hirugarrena, 30 segundora.
Demi Vollering (FDJ) eta Anna van der Breggen (SD Worx) laugarren eta bosgarren tokietan daude, baina 31 eta 35 segundora soilik. Horrenbestez, inoiz baino irekiago dago aurtengo Tourra.
7. ETAPAKO SAILKAPENA:
1. Squiban Maeva (UAE Team ADQ) 3:58:26
2. Kerbaol Cédrine (EF Education-Oatly) +0:51
3. Edwards Ruth (Human Powered Health) d.b.
4. van Anrooij Shirin (Lidl - Trek) +0:53
5. Wlodarczyk Dominika (UAE Team ADQ) +1:00
6. Pienaar Kimberley (AG Insurance - Soudal Team) d.b.
7. van der Breggen Anna Team SD Worx - Protime) d.b.
8. Vollering Demi (FDJ - SUEZ) d.b.
9. Niewiadoma Katarzyna (CANYON//SRAM) d.b.
10. Fisher-Black Niamh (Lidl - Trek) d.b.
SAILKAPEN NAGUSIA:
1. Pienaar Kimberley (AG Insurance - Soudal Team) 22:28:31
2. Ferrand-Prévot Pauline (Team Visma | Lease a Bike) +0:26
3. Niewiadoma Katarzyna (CANYON//SRAM zondacrypto) +0:30
4. Vollering Demi (FDJ - SUEZ) +0:31
5. van der Breggen Anna (Team SD Worx - Protime) +0:35
6. Rooijakkers Pauliena (Fenix-Deceuninck) +1:04
7. Kerbaol Cédrine (EF Education-Oatly) +1:09
8. Gigante Sarah (AG Insurance - Soudal Team) +1:14
9. Muzic Évita (FDJ - SUEZ) +1:35
10. Labous Juliette (FDJ - SUEZ) d.b.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.