Laboral Kutxa taldea Tourrean izango da
Laboral Kutxa Team taldea Frantziako Tourrean izango da aurten; izan ere, euskal taldeak lasterketako antolatzaileek ematen dituzten bost gonbidapenetako bat jaso du, Tourrak berak jakitera eman duenez.
Probak zazpi etapa izango ditu, eta abuztuaren 12tik 18ra bitartean jokatuko da. Rotterdametik (Herbehereak) abiatuko da, eta azken etapan Alpe d 'Huez mitikoan izango du helmuga.
Laboral Kutxa Espainiako Vueltan ere izango da, apirilaren 28tik maiatzaren 5era bitartean, hain justu.
Euskal taldearen aburuz, etapakako proba handietako bitan parte hartzeko aukera izateak "Euskadi Fundazioaren emakumezkoen egitura profesionala maila goreneko nazioarteko tropelean eta egutegian egonkortzen du".
Ion Lazkano Laboral Kutxa-Euskadi Fundazioko kirol arduradunarentzat, Frantziako Tourrean egotea kirol arloan lor dezaketen "helburu nagusia" da; izan ere, "azken finean, proba handiena da, eta mundu guztiak bertan egon nahi du, bertan baitago ere hedabideen arreta guztia".
HAUTATUTAKO TALDEAK
Txirrindularitzaren Nazioarteko Batasunaren (UCI) arabera, araudiaren arabera, UCI Women's World Teams kategoria duten 15 taldeak ofizioz daude sailkatuta. hau da, honako hauek:
Movistar Team (ESP)
AG Insurance - Soudal Team (BEL)
Canyon//Sram Racing (ALE)
Ceratizit - WNT Pro Cycling Team (ALE)
FDJ-Suez (FRA)
Fenix-Deceuninck (BEL)
Human Powered Health (USA)
Lidl - Trek (USA)
Liv-AlUla-Jayco (AUS)
Roland (SUI)
Team dsm-firmenich PostNL (PSB)
Team SD Worx - Protime (PSB)
Team Visma | Lease a Bike (PSB)
UAE Team ADQ (UAE)
Uno-X Mobility (NOR)
Horrez gain, 2023ko emakumezkoen Kontinental mailako sailkapeneko lehen bi taldeak ere parte-hartzaileen arteko zerrendan ageri dira, hots, Cofidis Women Team (FRA) eta Tashkent City Women Professional (UZB).
Azkenik, antolatzaileek gonbidapenak eman dizkiete bost talderi:
Laboral Kutxa - Fundacion Euskadi (EUS)
Arkea - B&B Hotels Women (FRA)
EF Education - Cannondale (USA)
Lotto Dstny Ladies (BEL)
St Michel - Mavic - Auber93 (FRA)
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.