Kasper Asgreenek ezustean harrapatu ditu tropeleko esprinterrak ihesalditik
Soudal Quick-Step taldeko Kasper Asgreen txirrindulari danimarkarrak irabazi du, ostegunean, 2023ko Frantziako Tourraren hamazortzigarren etapa; azkenean, garaipena eguneko ihesaldian izan diren lau gizonek jokatu dute, tropelak ezin izan baititu harrapatu, kontrakoa zirudien arren. Sailkapen nagusian, Jumbo-Vismako Jonas Vingegaard danimarkarrak jarraitzen du aurreneko postuan, eta ez da aipatzeko moduko aldaketarik izan.
Aurreikuspena zen etapan gizon azkarrek izatea nagusitzeko aukera, eta, egia esan, hainbat kilometrotan pentsatzeko modukoa izan da hori gertatu behar zela, baina, azkenean, jardunaldiaren amaiera oso bestelakoa izan da. Tourreko ia hiru aste jokatuta, nekea da nagusi txirrindularien artean; ematen zuen tropelak ez zuela izango aparteko zailtasunik iheslariak harrapatzeko, kontuan izanik azken horien gehieneko aldea minutu eta erdikoa izan dela, baina talde handiak ezin izan du hori gauzatu, eta garaipena ihesaldian izan da.
Kasper Asgreenek eskuratu du etapa, eta, horrenbestez, lehen garaipena eman dio bere taldeari 2023ko Tourrean. Danimarkarra, 28 urtekoa bera, aurreneko aldiz gailendu da Frantziako Tourrean. Palmares bikaina du Asgreenek: aurten, Danimarkako Erlojupeko Txapelketa irabazi du, eta, 2021ean, Flandriako Itzulian nagusitu zen. Ihesaldiko indartsuena izan da, eta duen sasoi ona baliatu ahal izan du ihesaldian zihoazen beste hiru ziklisten aurrean; hain zuzen ere, Lotto Dstny taldeko Victor Campenaerts eta Pascal Eenkhorn eta Uno-X taldeko Jonas Abrahmsen izan ditu bidelagun ihesaldian, eta azken metroetan aurkari.
Ihesaldia, berehala
Eguneko ihesaldia berehala sortu dute, eta maila handiko hiru txirrindulari sartu dira bertan: Victor Campenaerts belgikarra (Lotto Dstny), ihesaldietan aditua bera, Jonas Abrahamsen norvegiarra (Uno-X) eta Kasper Asgreen bera. Azkar ibili dira, bai eta euren artean ondo moldatu ere, baina ezin izan dute alde oso handirik egin, tropelarekiko.
Itxura batean esprinterren taldeek ondo kontrolatuta, talde handiak ez die aukerarik eman Campenaertsi, Abrahamseni eta Asgreeni minutu eta erditik gorako tarterik hartzeko. Etapan, hortaz, zenbait kilometrotan, nolabaiteko egonkortasuna izan da; lasterketa buruko hirurak aurretik zihoazen, bai, baina egoera hori tropelari ere interesatzen zitzaion.
Hirukotea laukote bilakatu da
Amaierarako 60 kilometro baino apur bat gutxiago geratzen zirela, Pascal Eenkhorn Lottoko herbeheretarrak alde egin du tropeletik, eta, Campenaertsek lagunduta, segituan iritsi da lasterketa burura; azken hori laukote bilakatu da. Minutu bateko aldea zuten, etapari azken 40 kilometroak geratzen zitzaizkionean, baina buruan zeuden gizonen erritmoak bizitasuna bereganatu du, eta esprinterren taldeek ezin zuten aldea argi murriztu.
Lasterketako azken zatia taldekako erlojupekoa izan balitz bezala bizi izan da. Aurretik zeuden txirrindulariek, lan ederra eginez, elkarren artean ondo koordinatuz eta kalitatezko erreleboak emanez, garaipena lehiatzeko asmotan jarraitzen zuten; tropela, bitartean, harrapatu nahirik zebilen, gero eta azkarrago. Segundo batzuk soilik zeuden bi aldeen artean azken bost kilometroetan, lehia erabakigarria hasi denean.
Lotto Dstnyk bi gizon zituen ihesaldian, eta aukera baliatzen saiatu da: Campenaertsek Eenkhorni zabaldu dio bidea, garaipenaren bila, azken horrek indar handiagoa zuelako. Tropela, bitartean, gertu-gertu zebilen. Kasper Asgreenek irabazi du etapa; izan ere, bikain jo du aurrera, eta aurkariek ezin izan dute behar bezala erantzun. Esprinterrak, beraz, ostiralean edo igandean saiatu beharko dira garaipenaren lehian aritu.
Etapako sailkapena
1 - ASGREEN Kasper (Soudal) 4:06:48
2 - EENKHOORN Pascal (Lotto) d.b.
3 - ABRAHAMSEN Jonas (Uno-X) d.b.
4 - PHILIPSEN Jasper (Alpecin) d.b.
5 - PEDERSEN Mads (Lidl) d.b.
6 - BOL Cees (Astana) d.b.
7 - MEEUS Jordi (BORA) d.b.
8 - TRENTIN Matteo (UAE) d.b.
9 - LAPORTE Christophe (Jumbo) d.b.
10 - MOZZATO Luca (Arkea) d.b.
Sailkapen nagusia
1 - VINGEGAARD Jonas (Jumbo) 67:57:51
2 - POGACAR Tadej (UAE) +7:35
3 - YATES Adam (UAE) +10:45
4 - RODRÍGUEZ Carlos (INEOS) +12:01
5 - YATES Simon (Jayco) +12:19
6 - BILBAO Pello (Bahrain) +12:50
7 - HINDLEY Jai (BORA) +13:50
8 - GALL Felix (AG2R) +16:11
9 - KUSS Sepp (Jumbo) +16:49
10 - GAUDU David (Groupama) +17:57
13 - CASTROVIEJO Jonathan (INEOS) +46:57
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.