Yves Lampaertek irabazi du Kopenhageko erlojupekoa
Yves Lampaertek irabazi du 2022ko Frantziako Tourreko lehenengo etapa, Kopenhageko erlojupekoa. Belgikako txirrindulariak segundo gutxigatik lortu du garaipena Wout van Aerten aurretik. Sailkapen nagusirako faboritoen artean, Tadej Pogacarrek lortu du denborarik onena hirugarren postuan sailkatuta. Esloveniarrak 8 eta 9 segundoko aldea du Jonas Vingegaard eta Primoz Roglicekiko.
Euria protagonista izan den erlojupekoan, Lampaertek erlojuaren kontra dituen gaitasunak erakutsi ditu, 15 minutu eta 17 segundoko denborarekin. Belgikarraren garaipena ezin da ezustekotzat hartu; izan ere, errodadore trebea dugu Lampaert. Horren isla dira bere ibilbide profesionalean zehar lortutako markak: egungo txapeldunordea bere herrialdeko erlojupeko proban, Remco Evenepoelen atzetik, eta txapelketa horretan birritan garaile (2017 eta 2021).
Hala ere, erlojupekoa irabazteko faboritoek azken momentura arte izan dira garaipenerako lehian. Filippo Ganna, erlojupekoan munduko txapelduna, laugarren postuan sailkatu da, 10 segundora. Aldiz, Stefan Bisseggerrek erorikoa izan du irrist egin ondoren eta garaipenerako aukera guztiak galdu ditu.
Sailkapen nagusiko garaipenerako faboritoen arteko aldeak ez dira nabarmenak izan. Tadej Pogacarrek lortu du denborarik onena hirugarren postuan sailkatuta; atzetik, Jonas Vingegaard eta Primoz Roglic sailkatu dira, 9 eta 10 segundora, hurrenez hurren.
Bestalde, Jonathan Castroviejo izan da euskaldunik onena, 36 segundoko atzerapenarekin.
Larunbat honetan, Frantziako Tourreko 109. edizioko lehengo etapa luzea izango dugu, 202 kilometrokoa. Etapa osoa, zuzenean ikusgai, ETB1n eta eitb.eus-en.
1. etapako sailkapena:
1 - LAMPAERT Yves (Quick-Step) 15:17
2 - VAN AERT Wout (Jumbo) +00'05"
3 - POGACAR Tadej (Emirates) +00'07"
4 - GANNA Filippo (INEOS) +00'10"
5 - VAN DER POEL Mathieu (Alpecin) +00'13"
6 - PEDERSEN Mads (Trek) + 00'15"
7 - VINGEGAARD Jonas (Jumbo) +00'15"
8 - ROGLIC Primoz (Jumbo) +00'16"
9 - MOLLEMA Bauke (Trek) +00'17"
10 - TEUNS Dylan (EF Education) +00'20"
-------------------------------------------------
Sailkapen nagusia:
1 - LAMPAERT Yves (Quick-Step) 15:17
2 - VAN AERT Wout (Jumbo) +00'05"
3 - POGACAR Tadej (Emirates) +00'07"
4 - GANNA Filippo (INEOS) +00'10"
5 - VAN DER POEL Mathieu (Alpecin) +00'13"
6 - PEDERSEN Mads (Trek) +00'15"
7 - VINGEGAARD Jonas (Jumbo) +00'15"
8 - ROGLIC Primoz (Jumbo) +00'16"
9 - MOLLEMA Bauke (Trek) +00'17"
10 - TEUNS Dylan (EF Education) +00'20"
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.