Taldeen aurkezpenaren ostean dena prest da Tourrari hasiera emateko
Frantziako Tourra uztailaren 1ean hasiko da Kopenhagen, eta bertan egin da taldeen aurkezpena asteazken honetan (ekainak 29). Lasterketa uztailaren 24an amaituko da. Etapa guztiak zuzenean ikusi ahalko dira eitb.eus webgunean eta ETB1en.
Tadej Pogacar (UAE Emirates) egungo txapelduna da faborito nagusia, baina Primoz Roglic (Jumbo Visma) ere garaipena lortzeko hautagaia da. Biak herrialde berdinekoak dira, beraz, esloveniarren arteko lehia bermatuta dago.
Talde indartsuenak Jumbo Visma, Ineos Grenadiers eta UAE Emirates dira, baina Bora-hansgrohe ere kontuan hartzeko moduko taldea da. Pogacar da UAE Emirateseko taldeburua, eta Roglic Jumbo Vismakoa. Ineosek hiru taldeburu izango ditu; Geraint Thomas, Daniel Felipe Martinez eta Adam Yates. Bora-hansgroheren helburua da Aleksander Vlasovekin podiumean amaitzea.
Ion Izagirre (Cofidis), Gorka Izagirre (Movistar), Imanol Erviti (Movistar) eta Jonathan Castroviejo (Ineos Grenadiers) izango dira euskal ordezkariak 2022ko Frantziako Tourrean. Ion Izagirrek etapa garaipena lortzea du helburu. Gorka Izagirre eta Imanol Erviti taldeburu duten Enirc Masi laguntzen saiatuko dira. Bestalde, Jonathan Castroviejoren lana izango da taldeburu dituen Thomas, Martinez eta Yates babestea.
Tourreko ibilbidearen gakoak asko dira. Danimarkan egingo diren lehen hiru etapetan haizearekin kontu handiz ibili beharko dute txirrindularik. Ondoren, erlojupekoetan eta mendiko etapetan izango dute aldeak lortzeko aukera.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.