Sepp Kuss gailendu da Andorran amaitutako etapan, eta Ion Izagirrek laugarren egin du
Sepp Kuss estatubatuarrak irabazi du Frantziako Tourreko 15. etapa, Pirinioetako lehenengoa, Alejandro Valverde espainiarraren aurretik.
Frantziako Tourreko bere bigarren parte-hartzean, Coloradoko txirrindulariak bigarren garaipena lortu du hiru asteko lasterketetan, 2019an Espainiako Vueltan lortutakoaren ostean.
Eguna itsasoaren maila beran hasi dute, Pirinioetako aldapa gogorrenetarako prest. Estatubatuarrak eguneko ihesalditik alde egin du, helmugarako 19,5 kilometroren faltan.
41 urteko Alejandro Valverde bakarrik izan da gai Kussen erritmoari eusteko, baina azken kilometroetan atzean geratu da eta bigarren postuarekin konformatu behar izan du. Kuss bera bakarrik igaro da Col de Beixaleseko gainetik eta Andorrara iritsi arte dena aldapan behera egin du.
Valverde 25 segundora sartu da, eta Ion Izagirre laugarren, minutu eta 15 segundora.
Pello Bilbaok hamargarren jarraitzen du sailkapen nagusian. Pogacar da lider, eta bigarren postuan Rigoberto Uran kolonbiarra dago orain, Guillaume Martinek denbora galdu ostean.
15. ETAPAKO SAILKAPENA
1 - KUSS Sepp Team Jumbo-Visma 5:12:06
2 - VALVERDE Alejandro Movistar Team +0:23
3 - POELS Wout Bahrain - Victorious +1:15
4 - IZAGIRRE Ion Astana - Premier Tech +1:15
5 - GUERREIRO Ruben EF Education - Nippo +1:15
6 - QUINTANA Nairo Team Arkéa Samsic +1:15
7 - GAUDU David Groupama - FDJ +1:15
8 - MARTIN Dan Israel Start-Up Nation +1:22
9 - BONNAMOUR Franck B&B Hotels p/b KTM +1:22
10 - PARET-PEINTRE Aurélien AG2R Citroën Team +1:22
SAILKAPEN NAGUSIA, 15. ETAPAREN OSTEAN
1 - POGACAR Tadej UAE-Team Emirates 62:07:18
2 - URÁN Rigoberto EF Education - Nippo +5:18
3 - VINGEGAARD Jonas Team Jumbo-Visma +5:32
4 - CARAPAZ Richard INEOS Grenadiers +5:33
5 - O'CONNOR Ben AG2R Citroën Team +5:58
6 - KELDERMAN Wilco BORA - hansgrohe +6:16
7 - LUTSENKO Alexey Astana - Premier Tech +7:01
8 - MAS Enric Movistar Team +7:11
9 - MARTIN Guillaume Cofidis, Solutions Crédits +7:58
10 - BILBAO Pello Bahrain - Victorious +10:59
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.