Mollemak garaipena lortu du eta Guillaume Martinek bigarren postura egin du jauzi
Bauke Mollema (Trek) herbeheretarrak Frantziako Tourreko 14. etapa irabazi du larunbat honetan, ihesaldi luze baten ondoren. Sailkapen nagusiari dagokionez, Tadej Pogacar (UAE) esloveniarrak lidergoari eutsi dio eta Guillaume Martin (Cofidis) frantziarra, ostera, bigarren jarri da.
Cofidis taldeko frantziarrak eguneko ihesaldian parte hartu du, eta 5:21 minutuko abantailarekin helmugaratu da faboritoen tropelarekiko, beraz, bederatzigarren postutik bigarrenera pasa da, liderrarengandik 4:04ra.
Hartara, Martinek Rigoberto Uran (EF) kolonbiarra bigarren postutik kendu du. Orain hirugarren tokian dago, 5:18ra. Jonas Vingegaard (Jumbo) danimarkarra, bere aldetik, podiumetik kanpo geratu da behin-behinean. Lehen postutik 5:32ra dago, Richard Carapaz (INEOS) ekuadortarra baino segundo bat gutxiagorekin.
Horixe izan da sailkapen nagusian izandako aldaketa nabarmenena Mollemaren distira bereizi den jardunaldian. Trekeko txirrindulariak (34 urte) Tourreko bigarren etapa irabazi bereganatu du Quillanen, Puy-en-Velayn irabazi eta lau urtera.
Etapa erdian, Mollema, 2013ko Tourrean seigarren egin zuena, bakar-bakarrik ein du aurrera Galinagueseko (3. maila) mendatearen jaitsieran, eguneko azken aurrekoan, hain zuzen ere, eta ez dute berriro ikusi. Azkenerako, 1:04ko aldearekin sartu da helmugan bigarren eta hirugarren egin duten Patrick Konrad austriarraren (BORA) eta Sergio Higuita kolonbiarraren (EF) aurretik.
Irabazlearengandik 1:25era taldetxo bat sartu da, eta bertan zeuden Omar Fraile (Astana) santurtziarra 8seigarren egin du) eta Guillaume Martin.
Tourrak Pirinioetako lehen etapa korrituko du igandean (191,3 kilometro), Céret eta Andorra artean. Lehen mailako hiru mendate gaindituko dituzte txirrindulariek, azkena helmugatik 15 kilometrora.
14. etapako sailkapena:
1 - MOLLEMA Bauke (Trek) 4:16:16
2 - KONRAD Patrick (BORA) +1:04
3 - HIGUITA Sergio (EF) d.b.
4 - CATTANEO Mattia (Deceuninck) +1:06
5 - WOODS Michael (Israel) +1:10
6 - FRAILE Omar (Astana) +1:25
7 - GESBERT Élie (Arkéa) d.b.
8 - PACHER Quentin (B&B Hotels) d.b.
9 - MEINTJES Louis (Intermarché) d.b.
10 - CHAVES Esteban (BikeExchange) +1:28
11 - MARTIN Guillaume (Cofidis) d.b.
Sailkapen nagusia 14.etaparen ostean:
1 - POGACAR Tadej (UAE) 56:50:21
2 - MARTIN Guillaume (Cofidis) +4:04
3 - URÁN Rigoberto (EF) +5:18
4 - VINGEGAARD Jonas (Jumbo) +5:32
5 - CARAPAZ Richard (INEOS) +5:33
6 - O'CONNOR Ben (AG2R) +5:58
7 - KELDERMAN Wilco (BORA) +6:16
8 - LUTSENKO Alexey (Astana) +6:30
9 - MAS Enric (Movistar) +7:11
10 - CATTANEO Mattia (Deceuninck) +9:48
11 - BILBAO Pello (Bahrain) +10:28
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.