Alpeak, Tourreko epaile
Frantziako Tourra azken astean murgilduta dago eta gauza asko erabakitzeke daude oraindik.
Alpeak datoz eta bertan txirrindularien azken abagunea euren helburuak lortzeko. Sailkapen nagusian, aurretik esloveniar bi, Primoz Roglic eta Tadej Pogacar, eta hirugarren kolonbiar bat, Rigoberto Uran.
Mikel Landa zazpigarren tokian dago, lehen postutik 2:16ra eta hirugarrenik 42 segundora, beraz, gasteiztarrak gertu du podiuma.
Alpeen helduera
16. etapa: Bost mendate La Chartreuseko mendigunean Alpe bidean. Tropelak baimena ematen badu ihesaldia lehen kilometroetan eratu eta helmugara heldu daiteke. Eguna aproposa da.
17. etapa: asteleheneko bigarren atseden eguna eta Alpeetara heldu eta gero, goi-mendiko jardunaldia izango dute aurrean txirrindulariek Grenoble eta Meribel artean 168 kilometrorekin. Maila Bereziko bi mendate aurretik: La Madeleine (17 km, %8,4-ra) eta Col de la Loze, (21,5 km, %7,8-ra, eta 2.304 metroko altitudean).
18. etapa: Guztira bost mendate izango dituzte; horietako lau, gogorrak. Tourraren azken astean egun garrantzitsua izango da, baina helmuga ez dago aldapan gora jarrita baizik eta La Roche-sur-Foron herrian. Mendateak: Cormet de Roselend (1. Mailakoa), Route des Villes (3. Mailakoa), Saisies (2. Mailakoa), Aravis (1. Mailakoa) eta Plateau des Glières (Maila Berezikoa).
Trantsizio eguna, erlojupekoa eta Paris
19. etapa: Etapa laburra da Bourg-en-Bresse eta Champagnole herrien artean 166,5 kilometrorekin. Garaipenik ez duten taldeentzat azken aukera izango da, hurrengo egunean erlojupekoa Planche des Belles Fillesen eta azken jardunaldian Pariseko esprinta baitago.
20. etapa: Erlojuaren kontra 36,2 kilometro, eta maldan gora. La Planche des Belles Fillesen igoera gogorra da eta indarrak justu samar, beraz, faboritoen artean indartsuenak erdietsiko du garaipena.
21. etapa: Azken jardunaldian garaileak omentzeko eguna da, baina Parisko garaipena oso garesti dago eta tropelean geratzen diren txirrindulari azkar guztiek irabazi nahiko dute.
Etapen profilak
| Etapa | Noiz | Ibilbidea | Distantzia | |||
| 16.a | Irailak 15, asteartea | 164 km | ||||
|
17.a | Irailak 16, asteazkena | Grenoble - Méribel | 170 km | |||
| 18.a | Irailak 17, osteguna |
Meribel - La Roche-sur-Foron | 175 km | |||
|
19.a | Irailak 18, ostirala | Bourg-en-Bresse - Champagnole | 166,5 km | |||
| 20.a | Irailak 19, larunbata | 36,2 km | ||||
|
21.a | Irailak 20, igandea | Mantes-la-Jolie - Paris | 122 km |
Zure interesekoa izan daiteke
2026ko Frantziako Tourreko podiuma
Txirrindulariak Frantziako Tourreko podiumera igo dira, elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.