Ineosek Tourreko zerrendatik kanpo utzi ditu Froome eta Thomas
Egan Bernal kolonbiarra, Tourreko egungo txapelduna, eta Richard Carapaz ekuadortarra, 2019ko Giroa irabazlea, izango dira Ineosek Frantziako Tourra irabazteko aukeratu dituen txirrindulariak; izan ere, Frantziako lasterketa lehiatuko duten txirrindularien zerrendatik kanpo utzi ditu Geraint Thomas eta Chris Froome. Hala, Thomasek Giroa jokatuko du, eta, Froomek, berriz Espainiako itzulian parte hartuko du.
Aurreko astean korritu den Dauphine Kriteriumean izandako emaitzak kontuan hartuta, Dave Brailsford Ineos taldeko zuzendariak aurretiko planak berregituratzea erabaki du, eta besteak beste, Carapaz Tourrerako hautatu du, nahiz eta hasiera batean Giroa zen haren xedea. Horren aurrean, Ineosek Thomas izango du taldeburu lasterketa arrosan, eta, horrez gain, datorren denboraldian taldez aldatuko duen Chris Froome ere ez da Frantziako errepideetan egongo bere bosgarren garaipenaren bila, hark Espainiako Itzulia lehiatuko baitu.
Honako hauek dira Ineosek Tourrera eramango dituen txirrindulariak:
Andrey Amador
Egan Bernal
Richard Carapaz
Jonathan Castroviejo
Michal Kwiatkowski
Luke Rowe,
Pavel Sivakov
Dylan van Baarle
Brailsfordek adierazi duenez, "funtsezkoa da lasterketa egokian lider egokia aukeratzea, eta horrek esan nahi du informazio berriena aztertu behar izan dugula, datozen hilabeteetan gure errendimendua optimizatzeko ahalik eta posizio onenean gaudela ziurtatzeko".
Brailsforden esanetan, Egan Bernalek berriro izango du jomugan elastiko horia eskuratzea Frantzian, eta "zirraraz beteta" dago Richar Carapazi Frantziako Tourrean debuta egiteko aukera ematearekin. "Geraint Thomasek Girora joango da, eta 2018ko Frantziako Tourrean lortutako garaipena beste itzuli handi batekin bikoizteko aukera aprobetxatzen saiatuko du".
Era berean, Chris Froome Vueltarako hautatu dute: "Chris gure kirolaren kondaira bat da, iaz istripua izan eta gero itzultzeko ausardia eta sendotasun izugarria erakutsi duen benetako txapelduna. Beste titulu handi bat lortzeko lehiatzen lagundu nahi diogu, eta Vueltak prestatzen jarraitzeko denbora gehiago ematen dio".
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.